Book Name:Din Raat Kesay Guzarain
ہے کہ چندعِبَادتیں جمع کر لیں مثلاً 15 منٹ نوافِل پڑھ لیں ، 15 منٹ تلاوت کریں ، 15 منٹ درودِ پاک پڑھیں اور آخری 15 منٹ کوئی دِینی کتاب پڑھ لیں ، ہفتہ واررسالہ مطالعہ والے دِینی کام پر عمل کر لیں ، شیخِ طریقت ، امیرِ اہلسنت دَامَت بَرَکاتُہم العالیہ کا بہت ہی پیارا رسالہ : انمول ہیرے جو وقت کی اہمیت کے متعلق ہے اس کا مطالعہ کر لیجئے ، یُوں اِنْ شَآءَ اللہ الْکَرِیْم ! اُکتاہٹ ( Boredom ) بھی نہیں ہو گی ، پُوری دِل جمعی کے ساتھ ایک گھنٹہ عبادت میں گزارنے میں کامیاب ہو جائیں گے۔
اس عِبَادت کا ثواب کیا ہے؟ آئیے ! سنیئے !
رات کی نماز کے فضائل پر3 احادیث
( 1 ) : حضرتِ ابو ہُریرہ رَضِیَ اللہ عنہ فرماتے ہیں ، میں نے عَرْض کیا : یَا رسولَ اللہ صَلَّی اللہ عَلیہ وَآلہٖ و َسَلَّم ! مجھےاُس چیز پر مُطّلع فرما دیجئے ، جسے اپناکر میں جنّت پاسکوں۔ فرمایا : کھانا کِھلاؤ اور سلام کو پھیلاؤ اور صِلَہ رحمی کرو اور رات میں جب لوگ سوئے ہوں تو ( نفلی ) نَماز پڑھو ، تم سلامَتی سے جنَّت میں داخل ہوجاؤ گے۔ ( [1] ) ( 2 ) : اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم نے فرمایا : جنَّت میں ایسے بالاخانے ہیں ، جن کا باہَر اندرسے اور اندر باہَر سے دیکھا جاتاہے۔ ایک اَعرابی نے اٹھ کر عَرْض کیا : یَا رسولَ اللہ صَلَّی اللہ عَلیہ وَآلہٖ و َسَلَّم ! یہ کس کے لئے ہیں؟تو آپ صَلَّی اللہ عَلیہ وَآلہٖ و َسَلَّم نے فرمایا : یہ اس کے لئے ہیں ، جو نَرْم گفتگو ( Soft Communication ) کرے ، کھانا کھلائے ، مُتَوَاتِر روزے رکھے اور رات کو جب لوگ سوئے ہوئے ہوں تو اٹھ کر اللہ پاک کے لئے نَماز پڑھے۔ ( [2] ) ( 3 ) : پیارے آقا ، مدینے