Din Raat Kesay Guzarain

Al Quran Books Madani Channel

Magazine Courses Media

سُبْحٰنَ اللہ ! پیارے اسلامی بھائیو ! غور فرمائیے ! یہ فجر اور عَصْر کے اَوْقات کیسے با برکت ہیں۔ لہٰذا یہ دونوں اَوْقات نیک کاموں میں بَسر کیجئے !

صبح کا وقت کیسے گزاریں؟

* کوشش کریں کہ نمازِ فجر کا وقت شروع ہونے سے کم از کم آدھا گھنٹہ پہلے ( یعنی سحری کے وقت ) اُٹھ جائیں ، نمازِ تہجد ادا فرمائیں * ذِکْر و درود میں مَصْرُوف رہیں ، اس وقت درودِ پاک پڑھنے ، بالخصوص اِسْتِغْفَار ( مثلاً اَسْتَغْفِرُ اللہ ! ) پڑھنے کی بہت برکتیں ہیں۔

روزی میں برکت کا نُسخہ

ایک صحابی ( رَضِیَ اللہ عنہ ) خدمت ِاقدس ( صَلَّی اللہ عَلَیْہِ وَ آلِہٖ وَسَلَّم ) میں حاضر ہوئے اور عَرْض کیا : یَارسولَ اللہ ( صَلَّی اللہ عَلَیْہِ وَ آلِہٖ وَسَلَّم ) ! دُنیا نے مجھ سے پیٹھ پھیر لی ، پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم نے فرمایا : کیا وہ تسبیح تمہیں یاد نہیں؟ جو تسبیح ہے ملائکہ کی اور جس کی برکت سے روزی دی جاتی ہے ، خلقِ دنیا تیرے پاس ذلیل و خوار ہوکر آئے گی ، طلوعِ فجر کے ساتھ 100بارکہا کرسُبْحٰنَ اللہ وَبِحَمْدِہٖ سُبْحٰنَ اللہ الْعَظِیْمِ وَ بِحَمْدِہٖ اَسْتَغْفِرُاللہ اُس صحابی رَضِیَ اللہ عنہ کو 7دن گزرے تھے کہ خدمت ِ اقدس میں حاضر ہوکرعَرْض کیا : یَارسولَ اللہ ( صَلَّی اللہ عَلَیْہِ وَ آلِہٖ وَسَلَّم ) ! دُنیا میرے پاس اس کثرت سے آئی ، میں حیران ہوں کہاں اٹھاؤں کہاں رکھوں ! ^{( ^[1]
)}

اللہ پاک نے نیک لوگوں کا یہ وَصْف بیان فرمایا ہے :

وَ بِالْاَسْحَارِ هُمْ یَسْتَغْفِرُوْنَ ( ۱۸ ) ( پارہ : 26 ، سورۂ ذاریات : 18 )

ترجَمہ کنز الایمان : اور پچھلی رات اِستغفار کرتے۔

[1]...لسان المیزان ، حرف العین ، جلد : 4 ، صفحہ : 304 ، حدیث : 5100 ، ملفوظات اعلیٰ حضرت ، صفحہ : 128۔

Important

Mobile Apps

Contact Us