80 سے زائد شعبہ جات میں دینِ متین کی خدمت میں مصروفِ عمل ہے ، اِنہی میں سے ایک ” شعبہ روحانی علاج “ بھی ہے جو مریضوں اور پریشان حال اسلامی بھائیوں کی خیر خواہی میں مصروفِ عمل ہے۔ اَلْحَمْدُ لِلّٰہ   غمخواریِ اُمّت کے جذبے کے تحت  اس شعبے کی طرف سے ہر ماہ تقریباًدو لاکھ چوبیس ہزار  ( 2,24,000 ) بیماروں اور پریشان حال لوگوں میں کم  وبیش 4 لاکھ سے زائدتعویذات و اَورادِ عطّاریّہ رِضائے الٰہی کے لئے بالکل مُفت تَقْسِیم کئے جاتے ہیں۔ تعویذاتِ عطاریہ کی برکتیں فقط کسی مَخْصُوص  عَلاقے یا شہر تک ہی مَحْدُود نہیں بلکہ پاکستان کے سارے صُوبوں کے سینکڑوں شہروں میں سینکڑوں بستے لگائے جارہے ہیں ، اس کے ساتھ ساتھ پاکستان کے علاوہ دِیگر مُمالک مَثَلاً ساؤتھ افریقہ ، امریکہ ، اِنْگلینڈ ، بنگلہ دیش اور ہند وغیرہ میں بھی تعویذاتِ عطّاریہ کے سینکڑوں بستوں ( Stall )  کی ترکیب ہے۔

صَلُّوْا عَلَی الْحَبِیْب !                                               صَلَّی اللہ عَلٰی مُحَمّد

  پیارے اسلامی بھائیو ! ہمیں چاہیے کہ دعوتِ اسلامی کے  دینی ماحول سے وابستہ رہیں اور دُنیا کے کھیل تماشوں میں وَقْت برباد کرنے کے بجائےاللہ پاک کی رِضا وخُوشنودی پانے کیلئے  زِیادہ سے زِیادہ نیک اَعْمال کریں۔کیونکہ ہمیں یہ زِنْدگی کھیل کُود اور تَفْریح کے لئے نہیں بلکہ ایسے کام کرنے کیلئے دی گئی ہے جن کی بجاآوری سے رِضائے رَبُّ الاَنام حاصِل ہو۔ چُنانچہ ،

فرمانِ مُصْطفےٰ صَلَّی اللہ  عَلَیْہِ واٰلِہٖ وَسَلَّمَ ہے : بے شک دُنیا میٹھی اور سَرسَبْز ہے اور اللہ پاک اس  ( دُنیا ) کی تم کو خِلافت دینے والاہے پس دیکھتا ہے کہ تم کیسے عمل کرتے ہو۔ ( ابن ماجہ ، کتاب الفتن ، باب فتنۃ النساء ، ج۴ص۳۵۷ حدیث ۴۰۰۰ )

پس یاد رکھئے ! موت کےبعدہرشخص اپنی کرنی کا پھل پائے گا ، اگر دُنیا میں اچھے اَعمال کئے ہوں گے تو اس کی جَزا پائے گا اوراگر خُدانَخواستہ نَفْس وشیطان کے بہکاوے میں آکر زِنْدگی گُناہوں میں بَسر کی تو جہنّم