Dost Kaise Banaye

پیارے اسلامی بھائیو ! دیکھا آپ نے ! دُنیا اور یہاں کے مال و دولت کے لالچیوں کا کیا انجام ہوا؛ سب نے مال کی حِرْص میں ایک دوسرے کو موت کے گھاٹ اُتار دیا۔ اللہ پاک ہمیں حِرْص سے بھی بچائے اور نیک لوگوں کے ساتھ ہی دوستی لگانے کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صَلَّی اللہ علیہ وَآلہٖ و َسَلَّم ۔

دعوتِ اسلامی اور نیک صحبت کی فراہمی

پیارے اسلامی بھائیو ! نیک صحبت پانے کا ایک طریقہ یہ ہے : ہم نیک پرہیزگار ، خوفِ خُدا والے ، آخرت کی فِکْر کرنے والے لوگوں کے ساتھ بیٹھیں گے تو اِنْ شَآءَ اللہ الْکَرِیْم ! ہمیں بھی نیک صحبت نصیب ہو جائے گی۔نیک صحبت حاصِل کرنے کے لئے دعوتِ اسلامی والے عاشقانِ رسول کے ساتھ مدنی قافلوں میں سفر کو اپنا معمول بنائیے ، اپنے شہر میں ہونے والے ہفتہ وار سنتوں بھرے اجتماع میں شرکت کیجئے ، امیرِ اہلسنّت دَامَت بَرَکاتُہم العالیہ کا عطاکردہ رسالہ نیک اعمال کے مطابق زندگی گزارنے کی کوشش کیجئے ، مدرسۃ المدینہ بالغان میں شرکت کرکے فیضانِ قرآن حاصل کیجئے ، الحمدللہ ! شیخِ طریقت ، امیرِ اہلسنت ، حضرت علامہ مولانا ، ابو بلال محمد الیاس عطار قادری رضوی دَامَت بَرَکاتُہم العالیہ ہر ہفتے کو بعدِ نمازِ عشا مدنی چینل پر براہِ راست ( Live ) مدنی مذاکرہ فرماتے ہیں اس میں شرکت کیجئے ، سوشل میڈیا ( یعنی فیس بک ( Facebook ) ، انسٹا گرام ( Instagram ) ، واٹس ایپ ( WhatsApp ) ، ٹوئٹر ( Twitter ) یوٹیوب ( YouTube ) پر دعوتِ اسلامی کے مختلف پیجز ( Pages ) بنے ہوئے ہیں ان کو دیکھئے اِنْ شَآءَ اللہ الْکَرِیْم ! اچھی صحبت حاصل ہو گی۔ اللہ پاک عمل کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَسَلَّم ۔

Important

Mobile Apps

Contact Us