د ګناهونو نه معصوم نه وي خو البته محفوظ وي، مَعصُوم صِرف انبيائے کرام عَلَیْهِمُ السَّلَام او فرښتې دي، اوليائے کرام معصومه نه دي، د هغوئي نه هم ګناه کيدے شي خو د الله پاک په خپل محبوب بنده ګانو باندې خاص کرم وي، که چرې د هغوئي نه په نا پوهئ کښې کله خطا هم اوشي نو هغوئي د هغوئي د خطا نه خبرولے شي او هغوئي فوراً توبه کړي او د ګناه ګند د ځان نه لرې کړي۔

الله پاک په 9 سيپاره، سورۀ اعراف، آيت 201 کښې ارشاد فرمائي:

اِنَّ الَّذِیۡنَ اتَّقَوۡا اِذَا مَسَّہُمۡ طٰٓئِفٌ مِّنَ الشَّیۡطٰنِ تَذَکَّرُوۡا فَاِذَا ھُمۡ مُّبۡصِرُوۡنَ (۲۰۱)ۚ      (پارہ :9 ،سورۂ اعراف :201)

ترجمۀ کنزُ الايمان: بے شکه پرهيزګارانو ته چې کله د شيطان د طرف نه څه خيال راځي نو هغوئي (د الله پاک حکم) رايادوي بيا هم هغه وخت د هغوئي سترګې برسيره شي۔

د قرآنِ پاک مشهور مفُسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې آيت لاندې فرمائي: د مؤمن متقي فِطرت شيطاني وسوسې او ابليسي خيالونه نه قبلوي، که چرې مؤمن ته دا څيزونه (مثلاً شيطاني وسوسې، ابليسي خيالونه، په نا پوهئ کښې څه خطا وغيره) وړاندې راشي نو د الله پاک د طرف نه هغوئي ته هغه خطا ياده کړے شي، داسې هغوئي د دې ګند نه خپل ځان پاک کړي۔ مفتي صاحب نور فرمائي: مؤمن متقي د فرښتو د ډَلې نه دے چې د هغوئي او د فرښتو فِطرت يو شان دے، دا حضرات بشر صُورت، مَلَک سِيرت (يعني په ليدو کښې انسانان او په سيرت کښې د فرښتو صفت والا) وي۔ ^([1])

الله پاک دې زمونږه هم د اوليائے کرامو فيضان نصيب کړي، کاش! چې زمونږه هم د تقویٰ دولت نصيب شي، مونږه د ګناهونو نه بچ شو او د نيکو والا ژوند تيرولو کښې کامياب شو۔

اٰمِيۡن بِجَاهِ النَّبِيِّ  الۡاَمِيۡن صَلَّى  اللّٰهُ عَلَيهِ وَاٰلِهٖ وَسَلَّم

دے حُسْنِ اَخْلاق کی دولت                                 کر دے عطا اِخْلاص کی نعمت

مجھ کو خزانہ دے تقویٰ کا                                    یااللہ!  مری  جھولی  بھر  دے^([2])

صَلُّوۡا عَلَى الۡحَبِيۡب                                                                 صَلَّى اللّٰهُ عَلٰى مُحَمَّد