Khareed o Farokht Ki Chand Ahtiyatein

اللہ پاک پارہ : 9 ، سورۂ اعراف ، آیت : 201 میں ارشاد فرماتا ہے :

اِنَّ الَّذِیْنَ اتَّقَوْا اِذَا مَسَّهُمْ طٰٓىٕفٌ مِّنَ الشَّیْطٰنِ تَذَكَّرُوْا فَاِذَاهُمْ مُّبْصِرُوْنَۚ(۲۰۱) ( پارہ : 9 ، سورۂ اعراف : 201 )

ترجَمہ کنز الایمان : بے شک وہ جو ڈر والے ہیں جب انہیں کسی شیطانی خیال کی ٹھیس لگتی ہے ہوشیار ہو جاتے ہیں اسی وقت ان کی آنکھیں کھل جاتی ہیں۔

مشہور مفسرِ قرآن ، حکیم الاُمّت مفتی احمد یار خان نعیمی رحمۃُ اللہ علیہ اس آیت کے تحت فرماتے ہیں : مومن متقی کی فطرت شیطانی وسوسوں اور ابلیسی خیالات کو قبول نہیں کرتی ، اگر کبھی مومن کو یہ چیزیں ( مثلاً شیطانی وسوسے ، ابلیسی خیالات ، جانے انجانے کی کوئی خطا وغیرہ ) پیش آجائیں تو اللہ پاک کی طرف سے انہیں وہ خطا یاد دِلا دِی جاتی ہے ، یُوں یہ اس گندگی سے خُود کو پاک کر لیتے ہیں۔ مفتی صاحِب مزید فرماتے ہیں : مومن متقی فرشتوں کے گروہ سے ہے کہ اس کی اور فرشتوں کی فطرت ( Nature ) یکساں ہے ، یہ حضرات بشر صُورت ، مَلَک سِیْرت ( یعنی دِکھنے میں انسان اور سیرت میں فرشتہ صِفَّت ) ہوتے ہیں۔^{( ^[1] )}

اللہ پاک ہمیں بھی اَوْلیائے کرام کا فیضان نصیب فرمائے ، کاش ! ہمیں بھی تقویٰ کی دولت ملے ، ہم گُنَاہوں سے بچیں اور نیکیوں والی زِندگی گزارنے میں کامیاب ( Successful ) ہو جائیں۔

آمِیْن بِجَاہِ خَاتَمِ النَّبِیّٖن صَلَّی اللہ علیہ وَآلہٖ و َسَلَّم ۔

دے حُسْنِ اَخْلاق کی دولت کر دے عطا اِخْلاص کی نعمت

مجھ کو خزانہ دے تقویٰ کا یااللہ ! مری جھولی بھر دے^{( ^[2] )}

[1]...تفسیر نعیمی ، پارہ : 9 ، سورۂ اعراف ، زیرِ آیت : 201 ، 202 ، جلد : 9 ، صفحہ : 460 بتغیر قلیل۔

[2]...وسائلِ بخشش ، صفحہ : 123۔

Important

Mobile Apps

Contact Us