نو مستقبل څه څيز نه دے، صرف او صرف حال (Present) دے، نن چې زه څه يم، سبا ماته جوړيدل دي که نه؟ ماته پته نشته۔ صِرف د يو خيالي (تصوراتي) څيز د پاره مونږه ټول منډې وهو، په مونږ کښې په لکونو خلق په دې منډو تَرړو کښې د قبر کندې ته رسيدلي دي، ډير زر به مونږه هم دغه کندې ته ورغورځيږو، دا دنيا، د دې دنيا عارضي او فاني مستقبل د نمرود، فرعون، هامان او قارون په شان د دنيا پرستو په کار رانغلے نو زمونږ به څه په کار راشي؟

د انسان، مَرګ او اُمِّيد مثال

د صحابئ رسول حضرت عبد الله بن مَسعُود رَضِىَ اللهُ عَـنْهُ نه روايت دے، فرمائي: يوه ورځ د الله پاک آخِري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم يو څلور ګوټې ډبه (Square Box) جوړه کړله، په هغې کښې ئې دننه يوه کرښه راښکله، بيا ئې د هغه کرښې دواړو اړخونو ته وړې وړې کرښې راښکلې، بيا ئې د هغه کرښې نه بهر يوه کرښه راښکله، بيا ئې اوفرمائيل: دا (يعني د ډبې دننه يوه کرښه) انسان دے او دا (يعني د دې نه ګير چاپيره څلور ګوټې ډبه) دا مرګ دے، کوم چې انسان راګير کړے دے، دا وړې وړې کرښې، مختلف آفتونه دي کوم چې په انسانانو پورې انختې دي، انسان د يو نه بچ کيږي نو بل ټَک ورکوي او دغه (يعني د ډبې نه بهر والا کرښه) د انسان اُمِّيد دے۔ ^([1])

خوږو او محترمو اسلامي ورونړو! غور اوکړئ! دې عبرتناکه حديثِ پاک زمونږه د حالاتو پوره پوره عکاسي کړې ده۔ واقعي مرګ مونږه د څلور واړو اړخونو نه راګير کړي يو * که مونږه خپل ګير چاپيره د مرګ په اَسبابو (وَجو) باندې غور اوکړو * بجلي د مرګ ذريعه ده * زمونږه ګاډے د مرګ ذريعه ده * بيماري د مرګ ذريعه ده * زمونږه خوراک چې زمونږه (ګيډې ته) دننه (لاړ شي نو هلته) زهر هم جوړيدے شي، ځکه دا هم د مرګ ذريعه ده، داسې غور اوکړئ، مرګ مونږه د څلورو واړو اړخونو نه راګير کړي يو او مونږه په مختلف قِسمه مسئلو کښې انختي يو * کله بيماري راځي * کله غريبي راځي * کله د بچو فِکر * کله خپل فِکر * کله د خوراک فِکر * کله د ګَټې وَټې فِکر * مونږه په زرګونو قِسمه فِکرونو او مسئلو او آفتونو کښې راګير يو، ولې زمونږه اُميدونه د کلونو دي، مونږ ته دا پته هم نشته چې سبا به لمر وينو او که نه خو منصوبې زمونږ