Reham Dili Kesay Mili

میری سُنّت سے محبت کی اُس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔^{( ^[1] )}

سینہ تیری سُنّت کا مدینہ بنے آقا! جنت میں پڑوسی مجھے تم اپنا بنانا

2فرامینِ آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَسَلَّم : 1تم لوگ اِن بے زبان جانوروں کے بارے میں اﷲپاک سے ڈر و ان پر اُس وقت سوار ہوا کرو جب کہ وہ اچھی حالت میں ہوں اور انہیں اچھی طرح کھلایا کرو۔^{( ^[2] )} 2ہر ذی روح پر شفقت کا اجر ملتا ہے۔^{( ^[3] )}

اے عاشقانِ رسول! جانوروں پر رحم کرنا سُنّت مصطفےٰ ہے * رحمتِ عالم نورِ مُجَسَّمْ صَلَّی اللہ عَلَیْہِ وَ آلِہٖ وَسَلَّم جانوروں پر بڑی شفقت فرماتےتھے * آپ صَلَّی اللہ عَلَیْہِ وَ آلِہٖ وَسَلَّم جانوروں کی فریاد سنتے اور ان کی مدد فرمایا کرتے * ایک مرتبہ آپ صَلَّی اللہ عَلَیْہِ وَ آلِہٖ وَسَلَّم نے ایک اونٹ کی فریاد پر اس کے مالک سے فرمایا : تم اسے بھوکا رکھتے ہو اور کام زیادہ لیتے ہو^{( ^[4] )} * اگر کوئی جانوروں کو تکلیف دیتا تو آپ صَلَّی اللہ عَلَیْہِ وَ آلِہٖ وَسَلَّم اس سے ناراض ہوتے * آپ صَلَّی اللہ عَلَیْہِ وَ آلِہٖ وَسَلَّم جانوروں کو آپس میں لڑوانے ، انہیں باندھ کر مارنے ، اور ان کا مُثلہ بنانے ( یعنی چہرہ بگاڑنے ) سے منع فرمایا کرتے تھے۔^{( ^[5] )}

ہرن نے ، اونٹ نے ، چڑیوں نے کی یہی فریاد کہ ان کے غم کا مداوا حضور جانتے ہیں

[1]...تاریخ دمشق ، جلد : 9 ، صفحہ : 343۔

[2]... ابوداؤد ، کتاب : جہاد ، صفحہ : 408 ، حدیث : 2548۔

[3]... بخاری ، کتاب : مظالم وغصب صفحہ : 635 ، حدیث : 2466۔

[4]... ابوداؤد ، کتاب : جہاد ، صفحہ : 408 ، حدیث : 2549 خلاصۃً۔

[5]...سیرت رسول عربی ، صفحہ : 332تا 335ملتقطاً۔

Important

Mobile Apps

Contact Us