شریف کا ثواب ملتا ہے۔ ^{( [1] )}    

سُبْحٰنَ اللہ ! پیارے اسلامی بھائیو ! اللہ پاک کی اپنے محبوب کی اُمّت پر کرم نوازیاں دیکھئے ! جو بندہ ایک مرتبہ درود شریف پڑھے ، روایات کے مطابق اسے 10 نیکیاں ملتی ہیں ، 10 گُناہ معاف ہوتے ہیں اور 10 درجات بلند کئے جاتے ہیں۔ ^{( [2] )}  یہی کرم نوازی کتنی عظیم ہے کہ ایک مرتبہ درود شریف پڑھنے سے اتنا ثواب ملے ، پھر اس پر مزید کرم بالائے کرم یہ کہ کئی ایسے درود شریف ہیں ، جنہیں صِرْف ایک مرتبہ پڑھنے سے صِرْف ایک درود شریف کا نہیں بلکہ کئی ہزار درود شریف کا ثواب ملتا ہے ، کتابوں میں کئی ایسے درود شریف لکھے ہیں ، جنہیں پڑھنے سے ایک لاکھ درود شریف کا ثواب ملتا ہے اور حُضُور غوثِ اعظم شیخ عبد القادر جیلانی رَحمۃُ اللہ عَلَیْہ  نے پتھر پر لکھا ہوا جو درود شریف دیکھا ، پیارے آقا ، مکی مدنی مصطفےٰ  صَلَّی اللہ عَلَیْہِ وَ آلِہٖ وَسَلَّم نے خواب میں تشریف لا کر بتایا کہ اسے ایک مرتبہ پڑھنے سے 70 ہزار درود شریف کا ثواب ملتا ہے۔  سُبْحٰنَ اللہ !

کاش ! ہم ان کرم نوازیوں کی قدر کر پائیں۔ ہمارے پِیر حُضُور غوثِ پاک رَحمۃُ اللہ عَلَیْہ فرماتے ہیں : اے اُمَّتِ مُحَمَّد ! اللہ پاک کا شکر کیا کرو کہ پہلی اُمّتیں جتنا عَمَل کرتی تھیں ، اللہ پاک اُن کی نسبت تم سے تھوڑے عَمَل پر ہی راضی ہو جاتا ہے۔ مزید فرماتے ہیں : مسجد کو لازِم پکڑ لو اور نبئ رحمت ، شفیعِ اُمّت صَلَّی اللہ عَلَیْہِ وَ آلِہٖ وَسَلَّم پر کَثْرت سے درود شریف پڑھا کرو ! ^{( [3] )}