Book Name:2 Khatarnak Bhediya
اے عاشقانِ رَسُول! دا د مال د محبت دوه بنيادي صورتونه دي: (1) حِرص: يعني بنده د مال په محبت کښې خو راګير وي خو د دې د پاره د حرامو په لور نه ځي او (2) دويم صورت: شُحّ يعني چې بنده د مال په محبت کښې دومره وړاندې لاړ شي چې هغه د حرامو او د حلالو هډو پرواه نه کوي.
د مال د محبت دا دواړه صورتونه د ايمان د پاره ډير خطرناک دي، د مال محبت په زړه کښې نفاق پيدا کوي، د مال محبت خطرناک شرمخ دے، دا هغه خطرناک اور دے کوم چې په زړه راخور شي نو د ايمان نُور مړ کولے هم شي. ځکه مونږ له د مال د محبت نه هر وخت بچ کيدل پکار دي.
مِرے دل سے دنیا کی چاہت مٹا کر کر اُلفت میں اپنی فنا یاالٰہی!
تُو اپنی وِلایت کی خیرات دیدے مرے غوث کا واسِطہ یاالٰہی!
صَلُّوۡا عَلَى الۡحَبِيۡب صَلَّى اللّٰهُ عَلٰى مُحَمَّد
خوږو او محترمو اسلامي ورونړو! مونږه په اوّل سر کښې حديثِ پاک واوريدو، سرکارِ عالي وقار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم 2 څيزونو ته د دين د پاره ډير خطرناک وئيلي دي، په هغې کښې دويم څيز دے: د عزّت او مشهورتيا محبت.