Book Name:2 Khatarnak Bhediya
اے عاشقانِ رَسُول! اندازه اولګوئ! د مال محبت ايمان ته څومره نقصان رَسَوي. د مال محبت چې کله په زړه راخور شي نو د ايمان نور كم کړي، د الله پاک نبـي، حضرت موسٰی عَلَیْهِ السَّلَام په وخت کښې يو کَس وو، چا ته چې بَلعَم بن باعُوراء وئيلے شي، دا د خپل وخت ډير لوئے عالِم وو، رَبِّ کائنات هغه له دومره لويه مرتبه ورکړې وه چې په زمکه به ناست وو او نظر به ئې پورته کړو نو د لوحِ محفوظ ليکل به ئې لوستل، مستجابُ الدَّعوات هم وو يعني د هغه دعاګانے به قبليدلې.
دومره لوئے ولئ کامِل وو....!! خو افسوس! د مال محبت، د مال حِرص او لالچ هغه تباه و برباد کړو، د هغه قوم هغه ته اووئيل: اے بَلعَمه...!! حضرت موسٰی عَلَیْهِ السَّلَام ته ښيرې اوکړه...!! اوئې وئيل: هغه د الله پاک نبـي دے، زه هيڅ کله هم هغه ته ښيرې نه شم کولے. هغه قوم هغه له د مال و دولت لالچ ورکړو، آه! د مال او دولت ښکلا ځلا د هغه په عقل پرده واچوله، بَلعَم بن باعُوراء د مال محبت، حِرص او لالچ يوړو، هغه بدبخته حضرت موسٰی عَلَیْهِ السَّلَام ته د ښيرو د پاره لاس اوچت کړل! د الله پاک قُدرت ته اوګورئ! بَلعَم بن باعُوراء به حضرت موسٰی عَلَیْهِ السَّلَام ته ښيرې کولې خو د هغه په ژبه به خپل نوم راتللو، آخِر په هغه بد انجامه باندې د الله پاک عذاب نازل شو، د هغه ژبه را اووتلله او تر سينې پورې رازوړنده شوه او آه!