2 Khatarnak Bhediya

بیشک مال کے ایسے حریصوں کو آگ میں ڈال کر دروازے بند کر دئیے جائیں گے۔ ^{( ^[1] )}

الامان والحفیظ ! الامان والحفیظ... ! !

بھائیو ! ہر دم بچو تم حُبِّ جاہ و مال سے ہر گھڑی چوکس رہو شیطان کی اِس چال سے

مالداروں کی خوشامد میں ہلاکت ہے بڑی تُو گناہوں میں پڑے گا آئے گی شامت تری

کان دھرکے سُن ! نہ بننا تُو حریصِ مال و زَر ! کر قناعت اِختیار اے بھائی تھوڑے رِزق پر ^{( ^[2] )}

پچھلی گفتگو کا خُلاصہ

اے عاشقانِ رسول ! یہ محبّتِ مال کی 2بنیادی صُورتیں ہیں؛ ( 1 ) : حِرْص : یعنی بندہ مال کی محبّت میں گرفتار تو ہو مگر اس کے لئے حرام کی طرف ہاتھ نہ بڑھائے ( 2 ) : اور دوسری صُورت؛ شُحٌّ یعنی بندہ مال کی محبّت میں اتنا آگے بڑھ جائے کہ اسے حرام حلال کی پروا ہی نہ رہے۔

محبّتِ مال کی یہ دونوں صُورتیں ایمان کے لئے سخت خطرناک ہیں ، مال کی محبّت دِل میں نفاق پیدا کرتی ہے ، مال کی محبّت خطرناک بھیڑیا ہے ، یہ وہ خطرناک آگ ہے جو دِل پر چھا جائے تو ایمان کانُور بجھا بھی سکتی ہے۔ اس لئے ہمیں مال کی محبّت سے ہر دم بچتے رہنا چاہئے۔

مِرے دل سے دنیا کی چاہت مٹا کر کر اُلفت میں اپنی فنا یاالٰہی !

تُو اپنی وِلایت کی خیرات دیدے مرے غوث کا واسِطہ یاالٰہی !

صَلُّوا عَلَی الْحَبیب ! صَلَّی اللّٰہُ عَلٰی مُحَمَّد

[1]...تفسیر صراط الجنان ، پارہ : 30 ، سورۂ ھمزہ ، تحت الآیۃ : 2-9 ، جلد : 10 ، صفحہ : 825۔

[2]...وسائل بخشش ، صفحہ : 698۔

Important

Mobile Apps

Contact Us