مدينې تاجدار صَلَّى اللهُ عَلَيْهِ وَاٰلِه وَسَلَّم د لاسونو مبارکو خبره اوکړے شي! نو دا هغه مبارک لاسونه دي چې د دې په برکت سره شِفا ميلاويږي * لاس مبارک چې ئې د کوم څيز سره اولګي، هغې له ژوند ورکوي * يو ځل هغوئي صَلَّى اللهُ عَلَيْهِ وَاٰلِه وَسَلَّم د سترګو نه په اوښکو بهيدونکي باندې لاس مبارک راښکل نو شفا ورته ميلاؤ شوه ^([1]) * د حضرت قتاده رَضِىَ اللهُ عَـنْهُ سترګه وتلې وه، سرکارِ عالي وقار، د مکې مدينې تاجدار صَلَّى اللهُ عَلَيْهِ وَاٰلِه وَسَلَّم په خپل پاک لاس باندې د سترګې ګاټے واپس بيرته په هغه ځائے کيښودو نو شِفا ئې نصيب شوه ^([2]) * د حضرت عبد الله رَضِىَ اللهُ عَـنْهُ ښپه ماته شوې وه، سرکارِ عالي وقار، د مکې مدينې تاجدار صَلَّى اللهُ عَلَيْهِ وَاٰلِهٖ وَسَلَّم چې پرې لاس مبارک راښکل نو ماته شوې ښپه ئې جوړه شوه ^([3]) * د غزوۀ بدر په موقع باندې د حضرت عکاشه رَضِىَ اللهُ عَـنْهُ توره ماته شوې وه، سرکارِ عالي وقار، د مکې مدينې تاجدار صَلَّى اللهُ عَلَيْهِ وَاٰلِه وَسَلَّم په خپل لاس مبارک هغه له لَخته ورکړله نو هغه سپينه ځليدونکې توره جوړه شوه ^([4]) * يو ځل ئې د حضرت بِشر بن معاويه رَضِىَ اللهُ عَـنْهُ په سر باندې لاس راښکل نو د هغه دا حالت شو چې مريض له به ئې ګوَتې وروړلې، هغه ته به شِفا ميلاويدله او ^([5]) * هغوئي صَلَّى اللهُ عَلَيْهِ وَاٰلِهٖ وَسَلَّم يو صحابي رَضِىَ اللهُ عَـنْهُ بدن له لاس وروړل نو ټول عمر به د هغه د بدن نه تازه خوشبو تلله ^([6]) * هم دغه شان که چرې د ژبې مبارکې خبره اوکړے شي نو سُبْحٰنَ اللہ! څومره ښکلے شان ئې دے۔۔۔!! اعلیٰ حضرت رَحْمَةُ اللهِ عَلَيْه فرمائي:

وہ زباں جس کو سب کُن کی کنجی کہیں           اس کی نافِذ حکومت پہ لاکھوں سلام ^([7])

وضاحت: يعني زمونږه د خوږ آقا، د مدينې والا مصطفٰے صَلَّى اللهُ عَلَيْهِ وَاٰلِه وَسَلَّم ژبه مبارکه د تقديرِ الٰهي چابي ده۔ څنګه څنګه چې دا مبارکه ژبه خوزيږي، واقعات هم هغه شان کيږي۔ د دې ژبې مبارکې د کمالونو ليدلو سره دا وئيلے شي چې د کائنات په ګوټ ګوټ باندې د هغوئي حکومت دے او په داسې حکومت دې په لکونو سلامونه وي۔