تیری نسلِ پاک میں ہے بچہ بچہ نور کا                                                                    تو ہے عینِ نور تیرا سب گھرانا نور کا

جو گدا دیکھو لیے جاتا ہے توڑا نور کا                                                                            نور کی سرکار ہے کیا اس میں توڑا نور کا

میں گدا تو بادشاہ بھر دے پیالہ نور کا                                                                          نور دن دُونا تِرا دے ڈال صدقہ نور کا^([1])

جسمِ مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ  جي لطافت

اي عاشقانِ رسول!جسمِ مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ لطيف  ته هو، اهو پنهنجي جاءِ تي معجزو آهي، هاڻي ڏسڻو اهو آهي ته جسمِ مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ ڪيتري قدر لطيف هو؟ اها به ڏاڍي نرالي ڳالهه آهي. اسان جو هي جيڪو جسم آهي، اهو ڪَثِيف آهي ۽ اسان جو روح لطيف آهي روح تي جيتري قدر گناهن جي مِير چڙهندي ويندي، روح جي لطافت گهٽ ٿيندي ويندي آهي ۽ انسان جيتري قدر نيڪ ڪم ڪري، روح جي تازگي اوتري ئي وڌندي ويندي آهي. شيرِ ربّاني حضرت ميان شير محمد شرقپوري رَحْمَةُ اللهِ عَلَيۡه فرمائن ٿا: دنيا ۾ سڀ کان وڏو ڪامل ولي غوث هوندو آهي ۽ ان غوث جو روح جيتري قدر لطيف هوندو آهي، سرڪارِ عالي وقار، مڪي مدني تاجدار صَلَّى اللّٰهُ عَلَيۡهِ واٰلِهٖ وَسَلَّمَ جو جسم مبارڪ ان غوث جي روح کان 70 درجا وڌيڪ لطيف آهي. ^([2])   

سبحٰن الله!هڪ طرف روح آهي، روح پاڻ ئي لطيف آهي، وري غوثيت واري درجي جي تازگي، سالن جا سال ڏينهن رات جي عبادت ۽ رياضت سان روح کي اڃا وڌيڪ تازگي ملندي وئي، ايستائين جو دنيا ۾ سڀ کان وڌيڪ لطيف روح وقت جي غوث جو هوندو آهي ته هڪ طرف هي ايتري قدر اعلٰي ۽ بلند رتبي وارو روح آهي، ٻئي طرف روح نه بلڪ جسمِ مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ آهي، ميان شير محمد شرقپوري رَحْمَةُ اللهِ عَلَيۡه فرمائن ٿا: غوث جو روح جيتري قدر لطيف هوندو آهي،  رسول هاشمي صَلَّى اللّٰهُ عَلَيۡهِ واٰلِهٖ وَسَلَّمَ جو جسم پاڪ غوث جي روح