حالت کښې پہ پوره جوش او جذبې سره ميلاد شريف کول ډير اهميت لري چې د ميلادِ مصطفٰے صَلَّى اللهُ عَلَيْهِ وَاٰلِه وَسَلَّم کولو سره يو خو دا چې په زړونو کښې محبتِ رسول صَلَّى اللهُ عَلَيْهِ وَاٰلِه وَسَلَّم زياتيږي، بله دا چې د ميلادِ مصطفٰے صَلَّى اللهُ عَلَيْهِ وَاٰلِه وَسَلَّم په برکت سره کافِرانو ته دا پيغام ورکولےکيږي چې مسلمانان اوس هم د خپل آقا او مولا، مدينې دمصطفٰے صَلَّى اللهُ عَلَيْهِ وَاٰلِه وَسَلَّم سره ډيره مينه کوي، څوک چې د ميلاد په محفلونو، د کورونو، کوڅو، او د محلو په ښکلا باندې لکونه کروړونه روپئ لګولے شي، هغوئي به د مصطفٰے صَلَّى اللهُ عَلَيْهِ وَاٰلِه وَسَلَّم په نوم باندې، د خپل ځان، مال او هر څه قربانولو نه هيڅکله پشا نہ شی، داسې د مسلمانانو د اسلام او پيغمبرِاسلام صَلَّى اللهُ عَلَيْهِ وَاٰلِه وَسَلَّم سره د محبت اظهار کيږي بلکه بعضې وخت خو د جشنِ وِلادت په وجه د کافِرانو په زړونو هم داسې اثر کيږي چې هغوئي کلمه اووائي او مسلمانان شي۔

غير مسلمو ته د ايمان دولت نصيب شو

حضرت عبد الواحد بن اسماعيل رَحْمَةُ اللهِ عَلَيْه فرمائي: په مِصر کښې يو عاشقِ رسول اوسيدو، چې ربيعُ الاوَّل شريف به راغے نو هغه به د خوږ آقا، رسولِ خُدا صَلَّى اللهُ عَلَيْهِ وَاٰلِه وَسَلَّم جشنِ وِلادت ښه په جوش او جذبې سره لمانځلو، يو ځل د ربيعُ الاَوَّل شريف په مياشت کښې د هغه غير مسلمه ګاؤنډئ د خپل خاوند نه پوښتنه اوکړه: زمونږه دا مسلمان ګاؤنډي په دې مياشت کښې هر کال دا خاص دعوت ولې کوي؟ خاؤند ورته اووئيل چې: په دې مياشت کښې د دوئي نبي ( صَلَّى اللهُ عَلَيْهِ وَاٰلِه وَسَلَّم ) زيږيدلے (دنيا ته ئې تشريف راوړے) وو، ځکه دا د هغوئي جشنِ وِلادت لمانځي، مسلمانان د دې مياشتې ډير احترام کوي۔ نو دی غير مسلمه ګاؤنډئ اووئيل: واه! د مسلمانانو طريقه هم څومره ښکلې ده چې دا دوئي د خپل نبي صَلَّى اللهُ عَلَيْهِ وَاٰلِه وَسَلَّم هر کال جشنِ وِلادت لمانځي۔

هغه غير مسلمه ګاؤنډئ چې کله د شپې اوده شوه نو د هغې بخت رابيدار شو، په خوب کښې څه ويني چې يو ډير ښکلي بزرګ تشريف راوړے دے، ګير چاپيره ډير زيات خلق دي، دا رامخکښې شوه او د چا نه ئې پوښتنه اوکړه: دا بُزرګ څوک دے؟ اوئې وئيل: دا نبي آخرُ الزّمان، رحمتِ عالميان صَلَّى اللهُ عَلَيْهِ وَاٰلِه وَسَلَّم دے، دوئي ځکه تشريف راوړے دے چې ستاسو د مسلمان ګاؤنډي تہ د جشنِ وِلادت په لمانځلو باندې   خير او برکت ورکړي او د هغه سره ملاقات اوکړي۔ غير مسلمه ګاؤنډئ پوښتنه اوکړه: آيا ستاسو نبي ( صَلَّى اللهُ عَلَيْهِ وَاٰلِه وَسَلَّم ) به زما د خبرې جواب راکړي؟ ويوونکي اووئيل: آؤ جي۔ نو غير مسلمه ګاؤنډئ سرکارِ عالي وقار، مکي مدني تاجدار صَلَّى اللهُ عَلَيْهِ وَاٰلِه وَسَلَّم ته آواز اوکړو۔ هغوئي صَلَّى اللهُ عَلَيْهِ وَاٰلِه وَسَلَّم په جواب کښې لَبَّيک اووئيلو۔ هغه ډيره زياته متاثره شوه او اوئې وئيل: زه خو مسلمانه نه يم، تاسو بيا هم ما ته په لَبَّيک وئيلو سره جواب راکړو۔ د مدينې سرکار، د