د ميلاد د مياشتې راتګ! مرحبا۔۔۔!!

اے عاشقانِ رَسُول! چې د عشق مزاج هم دا دے چې په هره خبره کښې د محبوب ذِکر کولے شي، اوس خو د محبوب د ذِکر مياشت ده۔ دا خو هغه مبارکه مياشت ده،د کومې د مياشت پہ ليدو سره چې هغه ښکلي وختونه راياديږي * چې کله په مکه مکرمه باندې نُور راخور وو * ستوري د زمکې طرف ته مائله وو * په جهان کښې رنړائي خوريده * د آسمانونو دروازې برسيره کړے شوې وې * فرښتې په قطارونو کښې حاضريدلې * په مشرق او مغرب او د کعبې په چهت باندې جنډے لګولے شوې وې چې خاص د صبحِ صادِق په وخت د حضرت آمنه رَضِىَ اللهُ عَـنْها په کور مبارک کښې يو نور اوځليدو * په عالمِ کُفر کښې الغاؤ تلغاؤ شو * د کسریٰ په محل باندې زلزله راغله، 4 کنګرے (عالي شان تاخونه) راپريوتل * د ايران آتش کَدَه کومه چې د زر کالو نه روښانه وه، مړه شوه * ساوَه درياب وَچ شو * کعبه په وَجد کښې راغله او بُتان سر د لاندې راپريوتل۔

تیری آمد تھی کہ بیتُ اللہ مُجرے کو جُھکا                         تیری ہَیبت تھی کہ ہر بُت تھر تھر ا کر گِر گیا^([1])

وضاحت: يا رسولَ الله صَلَّى اللهُ عَلَيْهِ وَاٰلِه وَسَلَّم ستاسو دنيا ته د تشريف راوړلو په مبارک وخت د الله پاک کور (يعني کعبه شريفه) کومې ته چې خلق ښکته کيږي، نن هغه ستاسو صَلَّى اللهُ عَلَيْهِ وَاٰلِه وَسَلَّم په خدمت کښې ډير په احترام سره د سلام عرض کولو د پاره ښکته شوه او د کعبې شريفې دننه په ايښودے شوؤ 360 بُتانو باندې ستاسو صَلَّى اللهُ عَلَيْهِ وَاٰلِه وَسَلَّم داسې رُعب او ويره راغله چې هغه ټول پړ مخې راپريوتل۔

اے عاشقانِ رَسُول! د ربيعُ الاَوَّل د مياشتې پہ راتلو سره هغه ښکلې، نوراني وختونه راياديږي، په دې مبارکه مياشت کښې خو زمونږ آقا، زمونږ مولا، محبوبِ خُدا، احمدِ مجتبٰی، مُحَمَّدِ مصطفٰے صَلَّى اللهُ عَلَيْهِ وَاٰلِه وَسَلَّم دنيا ته تشريف راوړے وو۔

چې د قرآنِ پاک اُسلوب هم دغه دے، د عشق مزاج هم دغه دے چې په هره خبره کښې دې د محبوب ذِکر اوکړے شي نو اووايئ! چې په دې مبارکه مياشت کښې عاشقانِ رسول د محبوب د ذِکر محفلونه ولې راجوړ نه کړي؟ ولې به په دې مياشت کښې کور په کور چراغونه نه روښانه کيږي؟ آؤ! آؤ! د محبوب ذِکر به کيږي، خامخا به کيږي، دنيا ته د راتلو په خوشحالئ کښې به مونږ ښه ډير تلاوت هم کوو، ډير درودِ پاک به هم لولو، کورونه به هم ښائسته کوو، چراغونه به هم روښانه کوو او  په ذوق او شوق سره به د ميلاد محفلونه هم کوو، د خپل ظاهر او باطن ښائسته