ہزار 903 اور ان میں کل احادیث ہیں : 1 لاکھ34 ہزار 811۔ 

یہ ابھی حدیثِ پاک کی صرف  20 کتابوں کی تفصیل ہے اور اعلیٰ حضرت رحمۃ اللہ علیہ کے مطالعہ میں کتنی کتابیں رہی ہیں ؟ 50 سے زائد کتابیں۔ اگر ان تمام کتابوں کی تفصیلات پر نگاہ کی جائے تو اندازہ کیجئے !  یہ کتنے ہزار صفحات ہوں گے ، کتنے لاکھ حدیثیں ہوں گی جو اعلیٰ حضرت رحمۃ اللہ علیہ کے دَرْس و تَدْرِیس میں شامِل تھیں۔

پھر یہاں یہ مدنی پھول بھی ذہن میں رکھنے کا ہے کہ اعلیٰ حضرت رحمۃ اللہ علیہ چونکہ ایک سُوال کا جواب دے رہے تھے ، لہٰذا اِجْمَالاً فرمایا : 50 سے زائِد کتابیں۔ اس زائِد سے کیا مراد ہے ؟  55 کتابیں ، 60 کتابیں ، 70 کتابیں ، 50 سے کتنی زائِد کتابیں ؟   اس بارے میں تحقیق کی گئی ، بعض عاشقانِ اعلیٰ حضرت عُلَمائے کرام نے 8 سال محنت کی ، اعلیٰ حضرت رحمۃ اللہ علیہ کی لکھی ہوئی 350 کتابیں جمع کیں ، انہیں پڑھا ، ان 350 کتابوں میں اعلیٰ حضرت رحمۃ اللہ علیہ نے جتنی اَحادیث ذِکْر فرمائی ہیں ، ان اَحادیث کو الگ کیا گیا تو یہ کل 10 ہزار حدیثیں جمع ہو گئیں ، پھر حدیثِ پاک کی اَصْل کتابوں میں ان احادیث کو تلاش کیا گیا تو پتا چلا کہ اعلیٰ حضرت رحمۃ اللہ علیہ نے ان 350 کتابوں میں جو اَحادیث ذِکْر فرمائی ہیں وہ حدیثِ پاک کی 400 کتابوں سے لی گئی ہیں یعنی اس تحقیق سے معلوم ہوا کہ حدیثِ پاک کی 400 کتابیں  ہیں جو اعلیٰ حضرت رحمۃ اللہ علیہ کی نظر میں رہا کرتی تھیں ، اعلیٰ حضرت رحمۃ اللہ علیہ انہیں دیکھتے تھے ، ان سے اَحادیث پڑھتے تھے اور تحریر کے دوران نقل فرمایا کرتے تھے۔

پھر یہ بھی خیال رہے کہ یہ جو تحقیق کی گئی ہے ، یہ اعلیٰ حضرت رحمۃ اللہ علیہ کی صِرْف 350 کتابوں پر کی گئی ہے جبکہ اعلیٰ حضرت رحمۃ اللہ علیہ کی لکھی ہوئی کتابیں 1000 سے