*  سلام کا جواب فوراً  اور اتنی آواز سے دینا واجِب ہے کہ سلام کرنے والا سُن لے۔ * سَلام اور جَوابِسلام کا دُرُست تَلَفُّظ یادفَرما لیجئے۔ پَہلے میں کہتاہوں آپ سُن کر دوہرایئے : اَلسَّلامُ عَلَیْکُمْاَب پَہلے میں جَواب سُناتاہوں پھر آپ اِس کو دوہرایئے :  وَعَلَیکُمُ السَّلام

صَلُّوْا عَلَی الْحَبِیْب !                                                      صَلَّی اللہ عَلٰی مُحَمَّد

 * کوئی شگون دل میں کھٹکے اس وقت کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق” کوئی شگون دل میں کھٹکے اس وقت کی دُعا “یادکروائی جائےگی۔وہ دُعایہ ہے :

اَللّٰھُمَّ لَا یَاْ تِیْ  بِالْحَسَنَاتِ اِلَّا اَنْتَ وَلَا یَدْفَعُ السَّیِّئَاتِ اِلَّا اَنْتَ وَلَا حَوْلَ وَلَا قُوَّۃَ اِلَّا بِکَ ۔  ( ابو داؤد ،  ۴/۲۵ ،  حدیث : ۳۹۱۹ )

ترجمہ : الٰہی تیرے سوا کوئی بھلائی نہیں لاتا اور تیرے سوا کوئی برائی دور نہیں کرتا اور گناہوں سے بچنے اور نیکی کرنے کی قوت و طاقت نہیں مگر تیری  ( مدد )  سے۔  ( خزینۂ رحمت ،  ص ۱۴۸ )

صَلُّوْا عَلَی الْحَبِیْب !                                                                                          صَلَّی اللہ عَلٰی مُحَمَّد

 * اجتماعی جائزے کا طریقہ ( 72نیک اعمال  )

فرمانِ مُصْطَفٰے صَلَّی اللہ عَلَیْہِ واٰلِہٖ وَسَلَّمَ  :   ( آخرت کے معاملے میں ) گھڑی بھر غور و فکر کرنا 60 سال کی عبادت سے بہتر ہے۔ ( جامع صغیرللسیوطی ، ص۳۶۵ ، حدیث : ۵۸۹۷ )

                                                آئیے ! نیک اعمال کا رسالہ پُر کرنے سے پہلے ”اچھی اچھی نیتیں“کرلیجئے۔

 ( 1 ) رِضائے الٰہی کے لئے خود بھی نیک اعمال کے رِسالے سے اپنا جائزہ  لوں گا اور دوسروں کو بھی ترغیب دوں گا۔

 ( 2 ) جن نیک اعمال پر عمل ہوا اُن پر اللہ پاک کی حمد  ( یعنی شکر ) بجا لاؤں گا۔

 ( 3 ) جن پر عمل نہ ہوسکا اُن پر افسوس اورآئندہ عمل کرنے کی کوشش کروں گا۔