Data Hazoor Aur Adab Ki Taleem

پیارے اسلامی بھائیو ! دیکھا آپ نے ! داتا حُضُور رحمۃ اللہ عَلَیْہ نے کیسے پیارے پیارے آداب سکھائے ہیں ، یہاں ایک بات پر تَوَجُّہ دیجئے ! داتا حُضُور رحمۃ اللہ عَلَیْہ کی کِتَاب ہے : کَشْفُ الْمَحْجُوب۔ آپ نے یہ کتاب تَصَوُّف کی باریکیاں بتانے ، دِل سے غفلت کے پردے ہٹانے ، دِل کو نورانی بنانے اور اللہ پاک کی معرفت حاصِل کرنے کے طریقے بتانے کے لئے لکھی ہے اور اسی کتاب میں آپ نے یہ آدابِ زندگی بیان فرمائے ہیں۔ اس سے پتا چلتا ہے کہ یہ آداب کتنے اَہَم ہیں ، ان پر عَمَل کی برکت سے دِل پاک ہوتا ہے ، باطِن نکھرتا ہے ، دِل میں نُورِ ایمان اُترتا اور روشنی پھیلاتا ہے۔ ہمیں چاہئے کہ ان آداب کی اہمیت کو سمجھیں ، رَبِّ کائنات کی پاک بارگاہ کا بھی خُوب ادب بجا لائیں ، اپنی ذات کے آداب کا بھی خیال رکھیں ، مسلمانوں کا ادب کریں ، دوستوں کا ادب کریں ، کھانے ، پینے ، چلنے پھرنے وغیرہ کے آداب کا بھی لحاظ رکھیں۔

با ادب با نصیب بے ادب بے نصیب

صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : چوک دَرْس

الحمد للہ ! عاشقانِ رسول کی دینی تحریک دعوتِ اسلامی ایسی ہی پیاری پیاری باتیں ، سنتیں اور آداب بتانے ، سکھانے اور دُنیا بھر میں نیکی کی دعوت کا ڈنکا بجانے والی تحریک ہے ، آپ بھی دعوتِ اسلامی کے دینی ماحول سے وابستہ ہو جائیے ! ذیلی حلقے کے 12 دینی کاموں میں بھی خُوب بڑھ چڑھ کر حِصَّہ لیجئے ! اِنْ شَآءَ اللہ الْکَرِیْم ! دِین و دُنیا کی بےشُمار برکتیں نصیب ہوں گی۔ دعوتِ اسلامی کے 12 دینی کاموں میں سے ایک دینی کام ہے : چوک درس۔

Important

Mobile Apps

Contact Us