بسم اللہ Sharif ki Barkat

Al Quran Books Madani Channel

Magazine Courses Media

ہیں کہ پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم نے فرمایا : جس کھانے پر بِسْمِ اللّٰه نہ پڑھی جائے وہ کھاناشیطان کے لئے حَلال ہو جاتا ہے ( یعنی بِسْمِ اللّٰه نہ پڑھنے کی صُورت میں شیطان اُس کھانے میں شریک ہو جاتا ہے۔ ) ^{(
^[1]
)}

کھانے سے پہلے بِسْمِ اللّٰه نہ پڑھنے سے کھانے میں بے بَرَکتی ہوتی ہے۔ حضرت اَبو ایُّوب اَنصْاری رَضِیَ اللہ عنہ فرماتے ہیں ، ہم تاجدارِ رسالت ، ماہِ نُبُوَّت صَلَّی اللہ عَلَیْہِ وَ آلِہٖ وَسَلَّم کی خدمتِ سراپا رَحْمت میں حاضِر تھے۔کھانا پیش کیا گیا ، اِبتِدا میں اِتنی بَرَکت ہم نے کسی کھانے میں نہیں دیکھی مگر آخِر میں بڑی بے بَرَکتی دیکھی ۔ ہم نے عَرْض کیا : یَارسولَ اللہ صَلَّی اللہ عَلَیْہِ وَ آلِہٖ وَسَلَّم ! ایساکیوں ہوا ؟ پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم فرمایا : ہم سب نے کھانا کھاتے وَقْت بِسْمِ اللّٰه پڑھی تھی ۔ پھر ایک شخص بِغیر بِسْمِ اللّٰه پڑھے کھانے کو بیٹھ گیا ، اُس کے ساتھ شیطان ( Devil ) نے کھانا کھا لیا۔^{( ^[2]
)}

اُمُّ الْمُؤمِنِین حضرت عائشہ صِدّیقہ رَضِیَ اللہ عنہا فرماتی ہیں کہ تاجدارِ مدینہ ، راحتِ قلب وسینہ صَلَّی اللہ عَلَیْہِ وَ آلِہٖ وَسَلَّم نے فرمایا : جب کوئی شخص کھانا کھائے تو اللہ پاک کا نام لے ( یعنی بِسْمِ اللّٰه پڑھے ) اور اگر شُروع میں بِسْمِ اللّٰهپڑھنا بھول جائے تو یوں کہے : بسم اللہ اَوَّلَہ ٗ وَ اٰخِرَہ ٗ ۔^{( ^[3] )}

پیارے اسلامی بھائیو ! جب بھی کھانا کھائیں یاد کر کے بِسْمِ اللہ الرَّحْمٰنِ الرَّحیم پڑھ لیا کریں۔ جوکھانا کھانے سے پہلے بِسْمِ اللّٰه نہیں پڑھتا اس کے کھانے میں قَرِین نامی شیطان بھی شریک ہو جاتا ہے۔

[1]... مسلم ، کتاب الاشربۃ ، باب آداب الطعام و الشراب و احکامہما ، صفحہ : 802 ، حدیث : 2017 ۔

[2]... شرح السنہ ، کتاب الاطعمہ ، ، جلد : 6 ، صفحہ : 480 ، حدیث : 2824 ۔

[3]... ابوداؤد ، کتاب الاطعمہ ، باب التسمیۃ علی الطعام ، صفحہ : 596 ، حدیث : 3767۔

Important

Mobile Apps

Contact Us