مجرمه پورې، د سوداګرو د کارخانو نه واخله تر پرچون مارکيټه پورې، د وړوکي نه تر غټه پورې، د غټ نه واخله تر وړوکي پورې د الله پاک په فضل سره دعوتِ اسلامي په کمو او زياتو هره يوه شعبه کښې د نيکئ دعوت عام کوي او په رنړائيئ خپرولو کښې مصروفه ده.

په تباه شوي ژوند کښې سپرلے څنګه راغلے...؟؟

د يو اسلامي ورور د بيان خلاصه ده، هغه وائي چې: زه به د غلطو ملګرو سره کښيناستم، د هغوئي سره د ناستې په وجه په شروع کښې زما د سيګرټ څکلو عادت جوړ شو، بيا په مزه مزه د چرسو او پوډرو په شان د مهلکه نشو کولو عادت مې جوړ شو، آه! زه تر 16 کالو پورې د نشو عادت ووم، زه د کور نه اويستلے شوم، زه به په فټ پاتھ سملاستم، د ډيران نه به مې د خوراک څيزونه راخيستل يا به مې د خلقو نه غوښتل او خوړل به مې، کيدے شي چې ستاسو يقين رانشي، ما په يوه جوړه جامو کښې 16 کاله تير کړل. زما حالت د ليونو په شان شوے وو، خلقو به زما نه کرَکه کوله، څوک به مې په خوا هم نه تيريدل.

بيا زما په تباه شوي ژوند کښې سپرلے راغلے، زما په خيال شبِ براءَت وو، زه بد نصيبه د يوې کوڅې په ګوټ کښې په ډيران ملاست ووم، ناڅاپه مې يو آواز غوږو شو، چا ډير په ښکلي انداز کښې ماته سلام اوکړو، زه ډير حيران شوم چې زما سره د چا څه کار پيښيدے شي؟ چې سترګې برسيره شوې نو 2 اسلامي ورونړه زما مخې ته ولاړ دي، په مخونو ئې ګيرې دي، په سر ئې د عمامو (پټکو) شريفو تاج په سر دے، هغوئي دواړه