دا غير اخلاقي حرکت اګرچه سخت غصې راوستو والا وو خو يو مبلغ په هر ځائے کښې په هر حال کښې هم مبلغ وي، هغوئي د خپل نفس په خاطِر غصه نه کوي بلکه په نرمئ او حکمتِ عملئ سره د نيکئ دعوت عام کوي. شيخِ طريقت، اميرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ هم دغه شان اوکړه، هغوئي د هغه شرارت کوونکي ځلمي خوا له تشريف يوړلو، سلام ئې اوکړو او ډير په نرمئ سره ئې اوفرمائيل: خوږه وروره! په ما باندې د پان راتوکلو سره تا ته څه ميلاؤ شو؟ شرارت کوونکي ځلمي د خندا په لهجه کښې اووئيل: بس مونږ له د موليانو تنګول خوند راکوي. د دې اوريدو سره اميرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ خپله لمن خوره کړه او په سنجيدګئ سره ئې اوفرمائيل: که چرې ستاسو زړه په دې خوشحاليږي نو واخلئ! نور پان پرې هم اوتوکئ!

د اميرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ د نرمئ او د داسې شفقت نه د ډکې لهجې ليدلو سره د هغه شرارت کوونکو ځلمو سرونه د شرم نه ښکته شول، اوس هغوئي پوهه شو چې زمونږ نه غلطې شوې ده، نو هغوئي معافي اوغوښتله، اميرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ مُسکے شو او اوئې فرمائيل: داسې به معافي نه ميلاويږي، دې د پاره به تاسو ته زما سره چائے څکل وي.

اللهُ اکبر! يو طرفته په بد اخلاقئ سره وړاندې راتلونکي شرارت کوونکي ځلمي او بل طرفته د با عَمَله مبلغ داسې نوازشات...!! داسې څوک دي چې د هغوئي زړه به په داسې شفقت باندې نه متاثره کيږي. هغه ځلمي د عطا ګانو د راوريدو ليدلو سره ډير متاثره شول، هغوئي د اميرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ د چائے څکلو دعوت قبول کړو،