کچھ ہاتھ نہیں آئے گا۔ اس لئے دُعا کرتے رہنا  چاہئے کہ اللہ پاک ہمیں  بِلا حِسَاب اپنی رحمت سے ،  اپنے محبوب صلی اللہ عَلَیْہِ وَ آلِہٖ وَسَلَّم   کی شفاعت سے بِلاحساب ہی جنّت میں داخلہ نصیب فرما دے۔

تُو بے حساب بخش کہ ہیں بے شمار جرم   دیتا ہوں واسطہ تجھے شاہِ حجاز کا

اَحادیث میں بہت سے ایسے اَعْمَال بیان ہوئے ہیں ،  جن پر عَمَل کی برکت سے  اِنْ شَآءَ اللہ الْکَرِیْم !    بِلا حساب جنّت میں داخِلہ نصیب ہو گا۔ آئیے !  ان میں سے چند روایات سنتے ہیں :  

 (1) : وقت پر نماز پڑھنا

حضرت عائشہ صِدِّیقہ  رَضِیَ اللہ عنہ ا  ہی سے روایت ہے ،  سرکارِ عالی وقار ،  مکی مدنی تاجدار صلی اللہ عَلَیْہِ وَ آلِہٖ وَسَلَّم  نے فرمایا :  اللہ پاک فرماتا ہے :  میرے بندے کا میرے ذِمّۂ کرم پر عہد ہے کہ اگر وہ وقت میں نماز قائِم رکھے تو میں اسے عذاب نہ دُوں گا بلکہ بےحساب جنّت میں داخِل کر دوں گا۔^([1])

 (2-3-4) : حساب میں آسانی دِلوانے والے 3 اعمال

حضرت ابوہریرہ رَضِیَ اللہ عنہ  سے روایت ہے ،  سرورِ عالَم ،  نورِ  مُجَسَّم صلی اللہ عَلَیْہِ وَ آلِہٖ وَسَلَّم  نے فرمایا :  جس میں 3خصلتیں ہوں ،  اللہ پاک اس کا حساب آسانی سے لے گا اور اسے اپنی رحمت سے جنّت میں داخِل فرمائے گا ،  وہ 3 خصلتیں یہ ہیں :  (1) : جو تجھے محروم کرے ،  تُو اسے عطا کر (2) : جو تجھ سے تعلق توڑے تُو اس سے تعلق جوڑ(3) : اور جو تجھ پر ظلم کرے تُو اسے معاف کر۔^([2])