سے نڈھال ہو گئے تھے ،  حضرت بِلال رَضِیَ اللّٰہُ عَنْہُ کو بھی وِصَالِ مصطفےٰ کا بہت صدمہ ہوا۔

حضرت بِلال رَضِیَ اللّٰہُ عَنْہُ تو یُوں بھی مُؤذِّنِ رسول ہیں ،  مؤذِّن اور امام کا آپس میں جُدا قسم کا ہی تعلق ہوتا ہے ، حضرت بِلال رَضِیَ اللّٰہُ عَنْہُ رسولِ اکرم ،  نورِ مجسم صَلَی اللہ عَلَیْہِ وَاٰلِہٖ وَسَلَّم  کی خِدْمت میں رہا کرتے تھے ،  اب جب محبوب آقا ،  پیارے مصطفےٰ صَلَی اللہ عَلَیْہِ وَاٰلِہٖ وَسَلَّم  نے دُنیا سے ظاہری پردہ فرمایا ،  حضرت بِلال رَضِیَ اللّٰہُ عَنْہُ کے لئے جینا محال ہو گیا ،  وہ گلیاں جہاں حُضور صَلَی اللہ عَلَیْہِ وَاٰلِہٖ وَسَلَّم  چلا کرتے ،  اُن گلیوں سے گزرتے ہوئے حضرت بِلال رَضِیَ اللّٰہُ عَنْہُ کا کلیجہ منہ کو آتا ہے ،  جب حُضُور صَلَی اللہ عَلَیْہِ وَاٰلِہٖ وَسَلَّم  مسکراتے تو مدینۂ پاک کے در و دِیوار پر نُوْر کی شُعَائیں پڑا کرتی تھیں ،  اب ان دیواروں کو دیکھ دیکھ کر حضرت بِلال رَضِیَ اللّٰہُ عَنْہُ کو محبوب آقا صَلَی اللہ عَلَیْہِ وَاٰلِہٖ وَسَلَّم  کی یاد ستاتی ہے۔

گلیاں سُنْجِیَاں دِسَّن مینوں ،  وَیْڑا کھاوَن آوے  غُلام فریدا !  اوتھے کی وَسْنا جتھے ماہِی نظر نہ آوے

وضاحت :  گلیاں سُونی سُونی دکھائی دیتی ہیں ،  گھر کھانے کو آتا ہے یعنی گھر میں بھی دِل نہیں لگتا ،  اے غُلام فرید !  وہاں کیا جینا جہاں محبوب ہی نظر نہ آئے۔

              اب مدینۂ پاک کی ان گلیوں میں زِندگی گزارنا دُشوار تھا ،  چنانچہ حضرت بِلال رَضِیَ اللّٰہُ عَنْہُ مُلْکِ شام تشریف لے گئے مگر آہ !  حُضُور اقدس صَلَی اللہ عَلَیْہِ وَاٰلِہٖ وَسَلَّم  تو یہاں بھی نہیں ہیں ،  دیدارِ حبیب کے جام تو یہاں بھی نہیں ملتے ،  یادِ مصطفےٰ تو یہاں بھی تڑپاتی ہے۔

  حضرت بِلال رَضِیَ اللّٰہُ عَنْہُ ملکِ شام میں ہیں ،  یادِ مصطفےٰ یہاں بھی تڑپاتی ہے ،  ہجر و فراق سے سینہ یہاں بھی جَلْ رہا ہے۔ اللہ !  اللہ !  دِن کیسے گزرتے ہوں گے ،  راتیں کیسے بَسَر ہوتی ہوں گی...؟