Book Name:Dil Ki Islah Kyun Zaroori Hai
پيژنم؟ اوئې فرمائيل: کله چې ته څه کوې نو په خپل زړه باندې لاس کيږده او اوګوره! بيشکه زړه په حرامو درزيږي، د زړه درزا تيزه شي او په حلال کار زړه په سکون کښې وي.[1]
اے عاشقانِ رَسُول! الله پاک زمونږ په زړه کښې دا خاصيت ايښودے دے چې بد کار کوو نو د زړه درزا تيزه شي، کيدے شي چې په مونږه کښې ډيرو ته دا اندازه لګي چې کله بنده په وړومبي ځل غلط کار کوي نو په زړه کښې ويره محسوسيږي، مثلاً غل چې کله په وړومبي ځل غلا کوي يا شرابي چې کله په وړومبي ځل شراب څښي، د سود کار کوونکے چې کله په وړومبي ځل سود اخلي، ورکوي نو زړه ئې ويريږي، د زړه درزا ئې تيزيږي، که چرې هغه وخت انسان د زړه واوري، د ضمير نه پورته کيدونکے آواز اومني او د ګناه نه منع شي نو د زړه دا کيفيت باقي پاتې کيږي او که چرې بنده هغه وخت د زړه فِکر اونکړي بلکه غلط کار اوکړي نو په مزه مزه د دغې غلط کار عادت واخلي، دغه شان په زړه تور والے خور شي او د زړه کيفيت بدل شي. د دې نه پته لګي چې زمونږه زړه د ښه او بد تميز لري خو چې کله په ده د ګناهونو تور والے پريوځي، زړه بالکل د ګناهونو نه ناپاکه شي، بيا دا په ښه او بدو کښې تميز نشي کولے.