Share this link via
آزادی کسے کہتے ہیں
بنی اِسْرائیل کا آبائی وطن مُلْکِ شام میں ” کَنْعَان “ نامی علاقہ تھا ، جب حضرت یُوسُف عَلَیْہِ السَّلَام مِصْر تشریف لائے ، یہاں آپ نے اعلانِ نبوت فرمایا ، اَہْلِ مِصْر کو کفر و شرک سے روکا ، انہیں اللہ پاک وَحْدَہٗ لَا شَرِیْک کی عِبَادت کی طرف بُلایا ، اللہ پاک نے حضرت یُوسُف عَلَیْہِ السَّلَام کو عَزِیْزِ مِصْر ( یعنی مِصْر کے وَزِیْرِ اعظم ) کا عہدہ عطا کیا ، اس وقت کا بادشاہ بھی حضرت یُوسُف عَلَیْہِ السَّلَام پر اِیمان لایا اور فرمانبردار ہو گیا ، اس وقت حضرت یُوسُف عَلَیْہِ السَّلَام کے والِد حضرت یعقوب عَلَیْہِ السَّلَام ، 11 بھائی اور باقِی اَہْلِ خانہ مِصْر تشریف لائے۔
بنی اسرائیل حضرت یعقوب عَلَیْہِ السَّلَام کی اَوْلاد تھے اور مِصْر کے وَزِیرِ اعظم یعنی حضرت یُوسُف عَلَیْہِ السَّلَام کے خاندان والے بھی تھے ، لہٰذا مِصْر میں بنی اسرائیل کی بہت عزّت تھی ، ان کا مقام و مرتبہ تھا ، لوگ ان کا احترام کیا کرتے تھے۔ آخر حضرت یُوسُف عَلَیْہِ السَّلَام نے دُنیا سے پردہ فرمایا ، وقت گزرتا گیا ، صدیاں گزر جانے کے بعد مِصْر کی حکومت ایک نہایت مَغْرور اور سرکش شخص کے ہاتھ آئی ، اس کا نام تھا : وَلِیْد بِنْ مُصْعَب اور لقب تھا : فرعون۔ اس بدبخت نے خُدائی کا دعویٰ کیا اور بنی اسرائیل کو اپنا غُلام بنا لیا۔ ( [1] )
گدا کو بادشاہ یا بادشاہوں کو گدا کر دے میرے مالِک تُو جب چاہے کسی کو کیا سے کیا کردے
یہ بھی قُدْرت کی ایک عجیب نشانی ہے ، اللہ پاک جسے چاہتا ہے بادشاہی عطا کرتا ہے ، جسے چاہتا ہے غلامی کی زنجیروں میں جکڑ دیتا ہے۔
وَ تُعِزُّ مَنْ تَشَآءُ وَ تُذِلُّ مَنْ تَشَآءُؕ ( پارہ3 ، سورۂ آلِ عمران : 26 )
ترجمہ کنزُ العِرفان : اور تُو جسے چاہتا ہے عزت دیتا ہے اور جسے چاہتا ہے ذلت دیتا ہے۔
BOOK TOPIC
- درودِ پاک کی فضیلت
- بنی اسرائیل؛ غُلامی سے آزادی تک
- آزادی ایک نعمت ہے
- آزادی کے بعد بنی اسرائیل کے حالات
- پاکستان اور تحریکِ آزادی کی مختصر تاریخ
- دو قومی نظریہ اور اس کی وضاحت
- تحریکِ پاکستان اور علمائے اہلسنت
- آزادی کے بعد ہمارا حال
- آزادی کسے کہتے ہیں؟
- اِقبال کی نظر میں آزادی کا مطلب
- جشنِ آزادی کیسے منائیں؟
- ” تیل لگانا “ سُنَّتِ مصطفےٰ ہے
