Book Name:Hum Nay Karbala Say Kia Seekha
امامِ حُسين رَضِىَ اللهُ عَـنْهُ اوفرمائيل: يزيد ظالم دے. زمونږ په معاشره کښې هم ظُلم ډير زيات دے. د ډيرو خلقو په ذهن کښې به دا خيال راځي چې ظُلم صرف قتل ته وئيلے شي، حالانکه داسې نه ده، ناحقه قتل هم ظُلم دے، چا له ناحقه پړق ورکول هم ظُلم دے، د چا رقم په زوره ځان سره ساتل، کنزلې کول، عِزَّت خرابول، تر دې چې خلق د نيغ نيغ کتلو سره ويرَوَل، په احاديثو کښې دا هم ظُلم قرار شوے دے.
اوس اووائې! په مونږه کښې څومره داسې خلق دي چې هغوئي د ظُلم نه ځان ساتي، په مونږ کښې څومره دي کوم چې د نورو حقونه پوره ادا کوي * په ګنړو خلقو کښې د چا عِزَّت خرابول * خلق ويرَوَل * دهمکيانې ورکول * قرضې خوړل * ناحقه تکليف رسول، دا ټول د ظُلم صورتونه په خلقو کښې ډير عام دي حالانکه دا د يزيد کردار دے ، که چرې مونږه حُسيني يو نو مونږ له پکار دي چې د مسلمان احترام اوکړو، د نورو خلقو ځاني، مالي هر قسمه حقونه پوره ادا کړو. الله پاک په قرآنِ پاک کښې فرمائي:
وَ کَذٰلِکَ اَخۡذُ رَبِّکَ اِذَاۤ اَخَذَ الۡقُرٰی وَ ہِیَ ظَالِمَۃٌ ؕ اِنَّ اَخۡذَہٗۤ اَلِیۡمٌ شَدِیۡدٌ )۱۰۲( (پارہ:12،سورۂ ھود:102) (مفهوم) ترجمۂ کَنْز الايمان: او هم داسې نيول دي ستا د رَبّ چې کله استوګنې رانيسي د هغوئي په ظُلم باندې بيشکه د هغه نيول دردناکه سخت دي.