Book Name:Hum Nay Karbala Say Kia Seekha
د هغه بدبخته کردار ښه نه وو، د هغه اخلاق ښه نه وو، د هغه عادتونه خراب وو، يزيد فاسِق وو، يزيد فاجِر وو، يزيد زنا کار وو، يزيد شرابي وو، يزيد به د قرآن و سُنَّت مخالَفَت کولو، ځکه حضرت امامِ حُسين رَضِىَ اللهُ عَـنْهُ د هغه بيعت اونکړو او داسې بے زواله (يعني نه ختميدونكي) قربانې ئې ورکړه.
اوس لږ غور اوکړئ! چې کله امامِ حُسين رَضِىَ اللهُ عَـنْهُ د يزيد د بد کردار نه خوشحاله نه شو نو که چرې هغه کردار زمونږه هم وي کوم عادتونه چې د يزيد وو، هغه شان عادتونه زمونږه هم وي، لکه څنګه ګنده اخلاق چې د يزيد وو، هغه شان مونږه هم يو نو آيا امامِ حُسين رَضِىَ اللهُ عَـنْهُ به زمونږ نه خوشحاله شي...؟؟ (هيڅ كله به هم خوشحاله نه شي)
راځئ! ګورو چې د يزيد کردار څنګه وو؟ د يزيد پليد هغه کوم ګنده عادتونه وو، د کومې په وجه چې امامِ حُسين رَضِىَ اللهُ عَـنْهُ د هغه بيعت اونکړو:
(1) يزيد سُنَّت بدلوونکے وو
په غيبو باندې خبردار آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَوَّلُ مَنْ یُبَدِّلُ سُنَّتِی رَجُلٌ مِّنْ بَنِیْ اُمَیَّۃَ یُقَالُ لَہٗ یَزِیْدُ زما سُنَّت بدلوونکے وړومبے کَس به د بنو اُمَيَّه نه وي، هغه ته به يزيد وئيلے شي.[1]