Share this link via
قرآن اور فاروقِ اعظم رَضِیَ اللّٰہُ عَنْہُ
معلوم ہوا کہ جب ہم یہ مانتے ہیں کہ حضرت عمر رَضِیَ اللّٰہ عَنْہُ کی رائے کے مُوَافِق قرآنِ کریم کی آیات اُترا کرتی تھیں ، پھر یہ بھی مانتے ہیں کہ حضرت عمر رَضِیَ اللّٰہ عَنْہُ اتنی بلند شان والے ہونے کے باوُجود نبی نہیں بلکہ صحابی تھے تو یہ اس بات کی زبردست دلیل ہے کہ پیارے آقا ، مکی مدنی مصطفےٰ صَلَّی اللہ عَلَیْہِ وَاٰلِہٖ وَسَلَّم کے بعد اب قیامت تک دُنیا میں کوئی نیا نبی نہیں آئے گا ، اگر آنا ممکن ہوتا تو حضرت عمر رَضِیَ اللّٰہ عَنْہُ نبی بَن چکے ہوتے ، جب وہ شخصیت جن کی موافقت میں قرآن اُترتا تھا ، وہ بھی نبی نہ ہوئے تو کوئی اَیْرا غَیْرا کیسے نبی بَن سکتا ہے۔ لِہٰذا مُوافقاتِ عمر رَضِیَ اللّٰہ عَنْہُ کو ماننا خَتْمِ نبوت کا اِنْکار نہیں بلکہ الحمد للہ ! خَتْمِ نبوت کی زبردست دلیل ہے۔
تمہارے بعد پیدا ہو نبی کوئی نہیں ممکن نبوت ختم ہے تم پرکہ ختم الانبیاءتم ہو ( [1] )
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد
فاروقِ اعظم رَضِیَ اللّٰہ عَنْہُ نیک مومن ہیں
سُلْطَانُ الْمُفَسِّرِیْن حضرت عبد اللہ بن عبَّاس رَضِیَ اللّٰہ عَنْہُ فرماتے ہیں : ایک روز پیارے آقا ، مکی مدنی مصطفےٰ صَلَّی اللہ عَلَیْہِ وَاٰلِہٖ وَسَلَّم کسی مُعَامَلے میں فِکْر مند تھے ، حضرت عمر فاروقِ اعظم رَضِیَ اللّٰہ عَنْہُ نے عرض کیا : یارسول اللہ صَلَّی اللہ عَلَیْہِ وَاٰلِہٖ وَسَلَّم ! فِکْر کی کیا بات ہے ، اللہ پاک آپ کے ساتھ ہے ، فرشتے آپ کے ساتھ ہیں ، حضرت جبرائیل ، حضرت میکائیل عَلَیْہِمَا السَّلَام آپ کے ساتھ ہیں ، حضرت ابو بکر صدیق رَضِیَ اللّٰہ عَنْہُ آپ کے ساتھ ہیں ، میں بھی حاضِر خِدْمت ہوں ، سارے مسلمان آپ کے ساتھ ہیں۔
BOOK TOPIC
- درودِ پاک کی فضیلت
- فاروقِ اعظم رَضِیَ اللّٰہ عَنْہُ کا مختصر تعارف
- حضرت عمر فاروقِ رَضِیَ اللّٰہ عَنْہُ کے قبول اسلام کا واقعہ
- مُوَافقاتِ عمر رَضِیَ اللّٰہ عَنْہُ
- احادِیث میں فضائِلِ فاروقِ اعظم رَضِیَ اللّٰہ عَنْہُ
- دِیْن ہم تک رِوایت سے پہنچا ہے
- ” خَتْمِ نبوت “ کی زبردست دلیل
- فاروقِ اعظم رَضِیَ اللّٰہ عَنْہُ نیک مومن ہیں
- ” فاروقِ اعظم “ کے لئے بخشش اور بڑا ثواب ہے
- رِقَّت کے سبب سانس اُکھڑ گئی ( حکایت )
- ” زُلفیں رکھنا “ سُنَّتِ مصطفےٰ ہے
