صَلُّوْا عَلَی الْحَبِیْب !                              صَلَّی اللہُ  عَلٰی مُحَمّد

فرمانِ مصطفےٰ صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ( ^{[1] )}  اے عاشقانِ رسول !  ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے !  مثلاً نیت کیجئے !  * عِلْم سیکھنے کے لئے پورا بیان سُنوں گا  * با اَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا  * جو سُنوں گا دوسروں تک پہنچانے  کی کوشش کروں گا۔

صَلُّو ْا عَلَی الْحَبِیْب !                                            صَلَّی اللہُ عَلٰی مُحَمَّد

                             پیارے پیارے اسلامی بھائیو ! اَلْحَمْدُلِلّٰہ !  نبیِّ کریم صَلَّی اللہُ عَلَیْہِ واٰلہٖ وَسَلَّمَ نے نہ صرف اپنے روشن فرامین بلکہ اپنے عمل کے ذریعے رہتی دنیا کے لوگوں کوبتایا کہ بندوں کے حقوق کی اَہَمِّیَّت کتنی ہے اور اُن کے حُقُوق پورا کرنے کی اسلام میں کس قدر تاکید بیان کی گئی ہے تاکہ اُمّتی بھی ادائے مُصْطَفٰے کو ادا کرنے کی نِیَّت سےایک دوسرے کے حقوق کو سمجھیں ، ان کو ادا کریں یا پھر معاف کروانے کی ہرممکن کوشش کریں۔آئیے !  اس بارے میں نبیِّ اکرم صَلَّی اللہُ عَلَیْہِ واٰلہٖ وَسَلَّمَ کی پاکیزہ سیرت کا ایک رِقّت بھرا واقعہ  سُنتے ہیں ، چُنانچِہ

آقا  صَلَّی اللہُ عَلَیْہِ واٰلہٖ وَسَلَّمَ کی عاجِزی

رسولِ پاک صَلَّی اللہُ عَلَیْہِ واٰلہٖ وَسَلَّمَ نے وفات ظاہِری سے پہلے اجتماعِ عام میں اعلان فرمایا :

اگر میرے ذمّے کسی کا قرض آتا ہو ، اگر میں نے کسی کی جان ومال اور عزت کو صدمہ پہنچایا ہو ، تو