د سُنَّتِ ابراهيمي خبرې دي، خوش قسمته خلق د الله پاک د خليل حضرت ابراهيم عَـلَيْـهِ الـسَّـلَام د سُنَّت ادا کولو د پاره مال خرچ كوي او ښکلي ښکلي څاروي اخلي، په کوڅو کښې د څاروو زور دے، کوم خوش نصيبه عاشقانِ رسول چې روان کال د قربانئ کولو سعادت حاصلوي، الله پاک دې د هغوئي قربانئ په خپلې بارګاه کښې قبولې کړي او څوک چې د قربانئ وَس نه لري او په زړونو کښې ئې ارمان ساتلے دے، الله پاک دې هغوئي له هم وَس ورکړي. اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

اَلْحَمْدُ لِلّٰہِ! د قربانئ په ورځو کښې څاروي اخستلے کيږي هم، څو ورځې په کور کښې د ساتلو سلسله هم وي، په دې تعلق سره مونږ له پکار دي چې مونږه د څاروو حقونه هم زده کړو او د دې بے زبانه پوره خيال هم اوساتو، راځئ! په دې باره کښې يو ښائسته حديث شريف او د هغې مختصر وضاحت اوريدلو سعادت حاصلوو:

هر څيز کښې د اِحسَان حکم شوے دے

حضرت شَدَّاد بن اَوس رَضِىَ اللهُ عَـنْهُ صحابئ رسول دے او د مشهور صحابئ رسول، شاعِرِ دربارِ رسالت حضرت حسان بن ثابت رَضِىَ اللهُ عَـنْهُ وراره دے، هغوئي فرمائي: د الله پاک آخري نبي، رسولِ هاشمي، مُحَمَّد عربي صَلَّى اللهُ عَلَيْهِ وَاٰلِهٖ وَسَلَّم اوفرمائيل: اِنَّ اللَّهَ كَتَبَ الْاِحْسَانَ عَلٰـى كُلِّ شَيْءٍ بيشکه الله پاک په