Qurbani Aik Ba Maqsad Fareeza

Al Quran Books Madani Channel

Magazine Courses Media

اے عاشقانِ رسول ! معلوم ہوا؛ اللہ پاک نے جانوروں سے متعلق ہم پر جو انعامات فرمائے ، جانور پیدا کئے ، انہیں ہمارے قابُو میں دیا ، ان کا گوشت ہمارے لئے حلال فرمایا ، قربانی ان انعامات کا شکر بھی ہے اورساتھ ساتھ اس میں اِظْہارِ توحید بھی ہے ، یعنی دُنیا بھر میں مسلمان عیدُ الاَضْحٰی کے موقع پر جانور ذَبَح کرتے وقت اللہ پاک کا نام لے کر عملی طور پر یہ اِظْہار کرتے ہیں کہ اللہ ایک ہے ، ہم پر انعام فرمانے والا ایک ہے ، تمام مخلوقات کو پیدا کرنے والا ایک ہے اور ہم صِرْف اسی ایک خُدائے وحدہٗ لَاشَرِیْک کی عبادت کرتے ہیں ، اس کے سِوا کسی کو اپنا خُدا نہیں مانتے۔

معلوم ہوا؛ قربانی کوئی رَسْم نہیں بلکہ شکرِ نعمت بھی ہے اور ساتھ ہی ساتھ عقیدۂ توحید کا عملی اِظْہار بھی ہے۔

(2) : قربانی نیک توانائی کا ذریعہ

پیارے اسلامی بھائیو ! ایک سوال ذہن میں اُبھرتا ہے ، وہ یہ کہ قربانی اگر شکرِ نعمت ہے تو یہ شکر کسی اور انداز میں مثلاً ، نمازیں پڑھ کر ، روزے رکھ کر ، صدقہ و خیرات کر کے بھی تو ادا ہو سکتا ہے ، آخر اس کے لئے جانور قربان کرنا ہی کیوں ضروری ہے؟ عُلَمائے کرام نے اس سوال کے بہت جوابات ارشاد فرمائے ہیں۔

علامہ ابن رجب حنبلی رَحمۃُ اللہ عَلَیْہ نے اس سلسلے میں بڑے ایمان افروز مدنی پھول بیان فرمائے ، آپ لکھتے ہیں : جانور اللہ پاک کا ذکر کثرت سے کرتے ہیں،اللہ پاک قرآن مجید میں فرماتا ہے :

وَ اِنْ مِّنْ شَیْءٍ اِلَّا یُسَبِّحُ بِحَمْدِهٖ (پارہ : 15،سورۂ بنی اسرائیل : 44)

ترجَمہ کنزُ الایمان : اور کوئی چیز نہیں جو اسے سراہتی (تعریف کرتی) ہوئی اس کی پاکی نہ بولے۔

Important

Mobile Apps

Contact Us