جانے والے اعمال بہت زیادہ پاکیزہ اور ثواب والے ہیں، ذُی الْحِجَّه کے پہلے دس دنوں میں عمل کا ثواب 7سو گنا  بڑھا دیا جاتا ہے، ذِی الْحِجَّہ کے پہلے دس دنوں میں کیا جانے والا عمل بقیہ دنوں میں کئے جانے والے عمل کے مقابلے میں راہِ خدا میں لڑنے سے زیادہ اللہ پاک کو پسند ہیں، الغرض ذِی الْحِجَّہ کے پہلے دس دن کئی فضائل و برکات اور خصوصیات (Specialities)سے مالا مال ہیں۔

ہر سال گیارہ ماہ بعد ذِي الْحِجَّه کے مقدس مہینے میں یہ مبارک دن تشریف لاتے ہیں اور اپنا فیضان تقسیم کر کے گیارہ ماہ کے لئے تشریف لے جاتے ہیں، مگر افسوس! ایک تعداد ہے جو کہ ان دس دنوں کو بھی دیگر دنوں کی طرح غفلتوں میں گزار دیتے ہیں، مثلاً بعض من چلے نوجوان ان دس دنوں میں اپنا ٹائم پاس کرنے اور سیر و تفریح کی خاطر روزانہ اور بعض تو ایک، ایک دن میں کئی، کئی مرتبہ مویشی منڈی دیکھنے نکل پڑتے ہیں، مویشی  منڈی میں جاکر جانوروں کے ساتھ سیلفیاں بنواتے ہیں، پورا پورا دن بلکہ  بعض پوری پوری راتیں مویشی منڈیوں میں گھُومنے پھرنے اور قربانی کے جانوروں کو دیکھنے میں گزار دیتے ہیں، قربانی کے جانوروں کو گلیوں اور سڑکوں پر بِلا وجہ دوڑاتے ہیں،  الغرض یہ دس دن عبادات میں بسر ہونے کے بجائے عام دِنوں کی طرح غفلت میں گزر جاتے ہیں،  جس کے سبب یہ نادان مَعَاذَ اللہ فرض نمازوں بلکہ بہت سارے نیک اعمال کرنے سے محروم ہوجاتے ہیں۔ اللہ پاک مسلمانوں کے حالِ زار پر  رحم فرمائے، انہیں  خوابِ غفلت سے بیدار ہوکر ماہِ ذُی الْحِجَّه کے ان دس دنوں کی  خوب قدر کرنے اور انہیں زیادہ سے زیادہ نیک اعمال میں گزارنے کی توفیق نصیب فرمائے۔

 اٰمِیْن بِجَاہِ خَاتَمِ النَّبِیّٖنَ صَلَی اللہ عَلَیْہِ وَاٰلِہٖ وَسَلَّم۔   

عبادت میں لگتا نہیں دل ہمارا                      ہیں عصیاں میں بدمست ہم یاالٰہی!

مجھے دے دے ایمان پر استقامت         پئے      سیدِ      مُحْتَشَم      یاالٰہی!  ^([1])

صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد