چا مخې ته خپل حاجت وړم، څوک به زما تور مخ ويني، آيا ستاسو نه علاوه زمونږ د پاره بل څوک شته؟ د چا نه چې مونږه د مهربانئ او توجه طمع اوساتو، څوک چې زمونږ خالي ځولئ ډکې کړي؟ نه، ستاسو نه علاوه بل هيڅ څوک نشته.

د مغفرت چيټئ ميلاؤ شوه

دغه شان يو روايت علّامه ابن جوزي رَحْمَةُ اللهِ عَلَيْه په عُيون الحِکايات کښې نقل كړے دے: حضرت محمد بن حَرب هِلالي رَحْمَةُ اللهِ عَلَيْه بيانوي: يوه ورځ زه د رسول الله صَلَّى اللهُ عَلَيْهِ وَاٰلِهٖ وَسَلَّم په روضه مبارکه کښې حاضر ووم، ما اوليدل! يو اَعرابي ( يعني د عربو د کلي اوسيدونکے) دربار ته حاضر شو او د محبوِب رَبِّ اکبر صَلَّى اللهُ عَلَيْهِ وَاٰلِهٖ وَسَلَّم په دربار کښې ئې عرض اوکړو: يا رسول الله صَلَّى اللهُ عَلَيْهِ وَاٰلِهٖ وَسَلَّم! الله پاک چې په تاسو کوم رښتونے کتاب نازل فرمائيلے دے، په هغه قرآنِ کريم کښې الله پاک فرمائي:

وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ فَاسْتَغْفَرُوا اللّٰهَ وَ اسْتَغْفَرَ لَهُمُ الرَّسُوْلُ لَوَجَدُوا اللّٰهَ تَوَّابًا رَّحِیْمًا(۶۴)

(پارہ:5،سورۂ نساء:64)

[مفهوم] ترجَمہ کنزُ الایمان: او کله چې هغوئي په خپلو ځانونو باندې ظلم اوکړي نو اے محبوبه ستا په خدمت کښې حاضر شي او بيا د الله پاک نه معافي اوغواړي او رسول د هغوئي شفاعت اوکړي نو ضرور الله به ډير توبه قبلوونکے مهربانه اومومي.