علاقو کښې اوسيږي، هلته د هغوئي د دنيادارانو سره هم واسطه راځي، د شيطان سره ئې هم واسطه راځي، نفس ئې هم زخمي کوي، اوس د هغه ايمان کمزورے کيدل شروع شي، بيا هغه مدينې منورې ته ځي نو د مدينې منورې آب و هوا داسې ښكلي او داسې ايمان تازه کوونکې ده چې د دې په برکت سره ايمان بيا تازه کيدل شروع شي. 

د مدينې د کجورو سره د ايمان تازه کيدل

عظيم عاشقِ رسول، حضرت مُحَدِّثِ اعظم پاکستان مولانا سردار احمد رَحْمَةُ اللهِ عَلَيْه به د مدينې منورې سره ډيره مينه کوله، د هغوئي رَحْمَةُ اللهِ عَلَيْه په محفل کښې به اکثر د مدينې منورې ذکر کيدلو، که چرې څوک د مدينې منورې زيارت کوونکے به د هغوئي په خدمت کښې حاضر شو نو د هغوئي نه به ئې د مدينې منورې د حالاتو پوښتنه کوله، مدينه منوره کښې د اوسيدونکو عاشقانِ رسول خيريت به ئې معلومولو او که چرې تبرک به وړاندې کړے شو نو ډير په خوشحالئ به ئې قبلولو. يو ځل يو حاجي صاحب د مدينې منورې نه واپس راغلے، هغوئي کجورې راوړې او د حضرت مُحَدِّثِ اعظم پاکستان رَحْمَةُ اللهِ عَلَيْه په خدمت کښې ئې وړاندې کړې، هغه وخت دورۀ حديث روان وو (يعني کلاس لګيدلے وو) او مُحَدِّثِ اعظم پاکستان رَحْمَةُ اللهِ عَلَيْه حديث شريف ښودلو، هغوئي د مدينې منورې کجورې