د دې حديثونو نه پته لګي چې د هر ګنهګار مسلمان د پاره شفاعت دے، كله چې د هر ګنهګار د پاره شفاعت دے، که هغه مدينے منورې ته تلے وي او که نه نو بيا د روضے مبارکې د زيارت کوونکي څه فضيلت دے؟ اوس جواب واورئ: بعضې عُلمائے كرامو دا ارشاد فرمائيلي دي چې کوم عام ګنهګار دي، څوک چې مدينے منورې ته نه دي تلي، د هغوئي د پاره به عمومي شفاعت وي خو څوک چې مدينې منورې ته تلي وي، د هغوئي د پاره به خاص شفاعت وي، د حشر د ميدان د خطرناکو سختو نه به د هغوئي حفاظت کولے شي، دوئي به جنت ته بے حسابه لاړ شي، دوئي به جنت کښې اوچتې درجې  بيامومي، دوئي ته به د الله پاک خاص ديدار نصيب شي. مولانا نقي علي خان رَحْمَةُ اللهِ عَلَيْه د دې يو بل ايمان تازه کوونکے جواب ليکلے دے، هغه دا دے چې اوګورئ! شفاعت به د چا نصيب کيږي؟ صرف د مسلمان به نصيب کيږي، کافر د شفاعت حقدار نه دے. اوس لږ غور اوکړئ! شفاعت د هر ګنهګار د پاره دے خو صرف د هغوئي د پاره څوک چې د دنيا نه د ايمان په حالت کښې تلي وي، اوس مونږه کښې څوک هم د الله پاک د پټ تدبير نه خبر نه يو، الله پاک دې زمونږه ايمان سلامت کړي، څوک چې ګنهګاران دي ممکنه ده چې هغوئي د خپلو ګناهونو په وجه د ايمان نه خلاص شي، د دنيا نه د رخصتيدو