زيارت اوکړو د هغوئي د پاره زما شفاعت واجب شو. ^[1]

طیبہ میں مر کے ٹھنڈے چلے جاؤ آنکھیں بند    سیدھی سڑک یہ شہرِ شفاعت نگر کی ہے^([2])

    وضاحت: يعني اے زائرينِ مدينه! دلته کښينئ او په دې دُرشل عمر تير کړئ او مطمئين شئ چې نيغ به جنت ته ځئ ځکه چې دا د جنت لاره ده.

خوږو او محترمو اسلامي ورونړو! د اعلٰـی حضرت والدِ محترم مولانا نقي علي خان رَحْمَةُ اللهِ عَلَيْه د دې حديث لاندې دوه ايمان تازه کوونکي مدني ګلونه ذکر فرمائيلي دي، راځئ! د هغې خلاصه اورو:

د ايمان د حفاظت يوه پخه ذريعه

مدني ګل نمبر1: دلته ذهن ته يو سوال راځي، هغه دا چې زمونږه خوږ آقا مکي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم اوفرمائيل: شَفَاعَتِي لِاَهْلِ الْكَبَائِرِ مِنْ اُمَّتِي يعني زما شفاعت زما په اُمّت کښې د غټو ګناهونو کوونکو د پاره دے.^[3] او يو روايت کښې دا هم دي چې تر څو زه خپل هر اُمَّتي د دوزخ نه اونه باسم او جنت ته ئې بونځم، تر هغه وخته پورې به زه نه راضي کيږم. ^[4]