Book Name:Musalman Ki Izzat Kijiye
په هغه ذات مې دې قَسَم وي د چا په قبضه كښې چې د محمد (صَلَّى اللهُ عَلَيْهِ وَاٰلِهٖ وَسَلَّم) ځان دے، بے شكه د يو مُومِن عِزَّت د الله پاك په بارګاه كښې ستا د عِزَّت نه زيات دے.[1]
خوږو او محترمو اسلامي ورونړو! غور اوكړئ! الله پاك مسلمان ته څومره عِزَّتونه وركړي دي، يقيناً د درجاتو په اعتبار سره په عِزَّتونو كښې كمے زياتے شته دے، د يو وَلِـىُّ الله او د عام مُومِن عِزَّت برابر نه دے، دغه شان د عُلماؤ عِزَّت د عوامو د عِزَّت نه زيات دے خو عِزَّت د ټولو دے، د چا په زړه كښې چې د اِيمان نُور موجود دے، د هغه په سر باندې د عِزَّت تاج موجود دے، په دې وجه مونږ له پكار دي چې د هر مسلمان عِزَّت اوكړو، د هغه د حُرمت خيال اوساتو. د الله پاك خوږ او آخري نبـي، محمد عربـي صَلَّى اللهُ عَلَيْهِ وَاٰلِهٖ وَسَلَّم فرمائي: كوم بنده چې د خپل مسلمان ورور (عِزَّت كولو سره د هغه) د اَس واګے اونيسي، د هغه دا عمل د څه لالچ په وجه نه وي، د څه ويرې په وجه نه وي (بلكه خالص د الله پاك د رضا د پاره وي) نو الله پاك به د دې واګے نيوونكي بخښنه اوفرمائي.[2]
پخوا به په اَسونو سفر كيدلو نو د عِزَّت وركولو دا طريقه وه چې يو كس به د اَس واګے اونيولے چې (په اَس وغيره) سوَريدونكے په آسانئ سره