خلقو اصلاح به ئې كوله * خوږ آقا صَلَّى اللهُ عَلَيْهِ وَاٰلِهٖ وَسَلَّم به ناسته پاسته كښې (يعني هر وخت) د الله پاك ذِكر كولو * كه چرته به ئې تشريف يوړلو نو چرته به چې ځائ ميلاؤ شو هم هلته به ئې تشريف كيښودلو او نورو ته به ئې هم د دې تلقين كولو * د ټولو د حقوقو خيال به ئې ساتلو * د خوږ آقا صَلَّى اللهُ عَلَيْهِ وَاٰلِهٖ وَسَلَّم په خدمت كښې حاضريدونكي هر يو كس به دا محسوسوله چې سركار صَلَّى اللهُ عَلَيْهِ وَاٰلِهٖ وَسَلَّم ما د ټولو نه زيات خوښوي * خوږ آقا صَلَّى اللهُ عَلَيْهِ وَاٰلِهٖ وَسَلَّم به د حاضريدونکو سره تر هٰغه وخته پورې تشريف فرما وو تر څو به چې هغوئي پخپله نه وو تلي * چې كله به ئې د چا سره مُصافَحه كوله (يعني لاس ميلاوهلو) نو خپلو لاسونو راښكودلو كښې به ئې وړاندې والے نه كولو * سوال كوونكي ته به ئې وركول* د خوږ آقا صَلَّى اللهُ عَلَيْهِ وَاٰلِهٖ وَسَلَّم سخاوت او خوش اخلاقي د ټولو د پاره عامه وه  * د خوږ آقا صَلَّى اللهُ عَلَيْهِ وَاٰلِهٖ وَسَلَّم مجلس مبارك د علم، بُردبارئ، حيا، صبر او امانت مجلس وو * د خوږ آقا صَلَّى اللهُ عَلَيْهِ وَاٰلِهٖ وَسَلَّم په مجلس مبارك كښې به نه شور او زوَګ وو نه به د چا بے عِزَّتي كيدله * د خوږ آقا صَلَّى اللهُ عَلَيْهِ وَاٰلِهٖ وَسَلَّم په مجلس مبارك كښې به چې د چا نه څه غلطي اوشوه نو هغه به نه خوريدله  *كله به چې چاته مُتَوَجِّه كيدلو نو مكمله تَوَجُّه به ئې فرمائيله * خوږ آقا صَلَّى اللهُ عَلَيْهِ وَاٰلِهٖ وَسَلَّم به د چا مخ ته سيدها نه كتل