Book Name:Musalman Ki Izzat Kijiye
يقيناً په هغه كښې به هم څه نه څه عيب خامخا وي او كيدے شي چې هغه عيب داسې وي چې د ښكاره كيدو سره به هغه په مُعاشره كښې ذليل او خوار شي. ځکه عيب لټونكو ته د دې خبرے نه ويريدل پكار دي چې د دوئي د دې حركت په وجه چرته الله پاك د هغه پټ عيبونه ښكاره نكړي چې د هغې سره به ذليل او رُسوا شي.
خوږو او محترمو اسلامي ورونړو! مونږ له پكار دي چې د شريعت په حدودو كښې اوسيدلو سره د نورو په عيبونو باندې پرده واچوو. د بُخاري شريف حديثِ پاك دے، رسولُ الله صَلَّى اللهُ عَلَيْهِ وَاٰلِهٖ وَسَلَّم فرمائي: چا چې د يو مسلمان عيب پټ كړو، الله پاك به د آخرت په ورځ د هغه عيبونه پټ كړي.[1]
حضرت عبدُ الله بِن عبَّاس رَضِیَ اللهُ عَنْهُما فرمائي: كله چې ته د خپل ملګري عيب يادولو اراده اوكړې نو (هغه وخت) خپل عيبونه را ياد كړه.[2]
الله پاك دې مونږه د نورو د عيبونو لټولو نه د بچ كيدلو او د خپلو عيبونو لټولو او د هغې اصلاح كولو توفيق را عطا كړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم