د مسلمان بے عِزَّتي حرامه ده

      د حَجَّۃُ الوَدَاع موقع وه، خوږ نبـي صَلَّى اللهُ عَلَيْهِ وَاٰلِهٖ وَسَلَّم په مِنٰى شريف كښې خطبه اوفرمائيله، په دې خطبه كښې خوږ آقا صَلَّى اللهُ عَلَيْهِ وَاٰلِهٖ وَسَلَّم صحابۀ كرامو عَلَيْهِمُ الرِّضْوان ته مُخاطَب شو او اوئې فرمائيل: اَیُّ شَہْرٍ هٰذَا؟ دا كومه مياشت ده؟ (ښكاره خبره وه، د حج موقع ده او حج په ذُوالحجةِ الحرام كښې ادا كيږي خو د صحابۀ كرامو عَلَيْهِمُ الرِّضْوان ادب اوګورئ!) د صحابۀ كرامو عَلَيْهِمُ الرِّضْوان ګمان شو چې كيدے شي خوږ آقا صَلَّى اللهُ عَلَيْهِ وَاٰلِهٖ وَسَلَّم د دې مياشتې نوم بدلوونكے دے، نو عرض ئې اوكړو: اَللّٰہُ وَرَسُوْلُہٗ اَعْلَم الله او د هغه رسول (صَلَّى اللهُ عَلَيْهِ وَاٰلِهٖ وَسَلَّم) ښه پوهيږي. خوږ آقا صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلَیْسَ ذُوالْحِجَّۃِ؟ آيا دا د ذُوالحج مياشت نه ده؟ صحابۀ كرامو عَلَيْهِمُ الرِّضْوان عرض اوكړو: ولے نه (يعني آو جي! دا د ذُوالحج مياشت ده). رَسُولِ اَكرَم صَلَّى اللهُ عَلَيْهِ وَاٰلِهٖ وَسَلَّم دويم سوال اوكړو: اَیُّ بَلَدٍ هٰذَا؟ دا كوم ښار دے؟ (دا هم ښكاره خبره وه چې حج په مكه مكرَّمه كښې ادا كيږي خو د صحابۀ كرامو عَلَيْهِمُ الرِّضْوان په دې ځل هم ادب اوګورئ!) عرض ئې اوكړو: اَللّٰہُ وَرَسُوْلُہٗ اَعْلَم الله او د هغه رسول (صَلَّى اللهُ عَلَيْهِ وَاٰلِهٖ وَسَلَّم) ښه پوهيږي. خوږ آقا صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلَیْسَ الْبَلَدَۃَ؟ آيا دا بَلدَه (يعني مكه مكرمه) نه ده؟ ټولو عرض اوكړو: ولے نه (بالكل دا مكه مكرمه ده). رَسُولِ اكرَم صَلَّى اللهُ عَلَيْهِ وَاٰلِهٖ وَسَلَّم