سورت فاتحه (فضيلتون ۽ مضمون)

الله پاڪ فرمائي ٿو: هي منهنجي ٻانهي جي لاءِ آهي ۽ منهنجي ٻانهي جي لاءِ اهو ئي آهي جنهن جو ان سُوال ڪيو۔^{(^[1])}

سُبْحٰن الله! پياريون پياريون اسلامي ڀينرون! غور فرمايو! هي ڪيتري عظيم فضيلت آهي۔ سورت فاتحه جون 7 آيتون آهن، ٻانهو هڪ هڪ آيت پڙھندو ويندو آهي، الله پاڪ ان کي ٻڌندو به آهي ۽ هر هر آيت تي جواب به عطا فرمائيندو آهي۔ علَّامه اِبنِ رجب حنبلي رَحۡمَةُ اللهِ عَلَيۡه فرمائن ٿا: هي (يعني ٻانهي جو سورت فاتحه پڙھندو وڃڻ ۽ الله پاڪ جو جواب عنايت فرمائڻ، هي) سورت فاتحه جي خاص فضيلت آهي جيڪا هن کان عِلاوه ڪنهن سُورت جي نه آهي۔^{(^[2])}

سورت الفاتحه جي مضمونن جو بيان

پياريون پياريون اسلامي ڀينرون! سورت فاتحه اها عظيم سورت آهي جو ان جي صرف 7 آيتن ۾ پُوري قرآنِ ڪريم جو خلاصو بيان ڪيو ويو آهي بلڪ حديثِ پاڪ ۾ آهي: جنهن سورت فاتحه جي تِلاوت ڪئي اهو ايئن آهي جيئن ان تورات، زبور، انجيل ۽ قرآنِ پاڪ (يعني چئن وڏن آسماني ڪتاب) جي تلاوت ڪئي۔^{(^[3])}

امام حسن بصري رَحۡمَةُ اللهِ عَلَيۡه کان روايت آهي: الله پاڪ 104 صحيفا نازِل فرمايا، انهن 104 صحيفن جا مضمون 4 وڏن آسماني ڪتابن تورات، زبور، انجيل ۽ قرآنِ ڪريم ۾ بيان فرمايا، پوءِ تورات، زبور ۽ انجيل جا سمورا عُلُوم قرآنِ مجيد ۾ بيان فرمايا ۽ پُوري قرآن شريف جا تمام عُلوم سورت

[1]...مسلم، کتاب الصلاۃ، باب وجوب قراءۃ الفاتحۃ، صفحہ:154، حدیث:395۔

[2]...تفسیر ابن رجب حنبلی، پارہ:1، سورۂ فاتحہ، جلد:1، صفحہ:68۔

[3]... تفسیر در منثور، پارہ:1، سورۂ فاتحہ، جلد:1، صفحہ:16۔

Important

Mobile Apps

Contact Us