اے عاشقانِ رسول ! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کروا دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! * عِلْمِ دِین سیکھنے کے لئے پورا بیان سُنوں گا * بااَدب بیٹھوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

قرآنِ کریم کی اَفْضَل ترین سُورت

حضرت ابوسعید بن مُعَلّٰی  رَضِیَ اللہُ عنہ   صحابئ رسول ہیں ، آپ فرماتے ہیں : ایک روز میں نماز پڑھ رہا تھا ، اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم    میرے قریب سے گزرے ، آپ  صلی اللہُ عَلَیْہِ وَ آلِہٖ وَسَلَّم   نے مجھے آواز دی ، میں چونکہ نماز پڑھ رہا تھا ، لہٰذا فوراً حاضِر نہ ہوسکا ، جلدی سے نماز مکمل کی ، پھر بارگاہِ رسالت میں حاضِر ہوا ، اس پر سرکارِ عالی وقار ، مکی مدنی تاجدار  صلی اللہُ عَلَیْہِ وَ آلِہٖ وَسَلَّم   نے فرمایا : تمہیں کس چیز نے میرے پاس آنے سے روکا؟ میں نے عرض کیا : یارسولَ اللہ  صلی اللہُ عَلَیْہِ وَ آلِہٖ وَسَلَّم  ! میں نماز پڑھ رہا تھا اس لئے حاضر نہ ہو سکا۔ آپ  صلی اللہُ عَلَیْہِ وَ آلِہٖ وَسَلَّم   نے فرمایا : کیا اللہ پاک نے یہ نہیں فرمایا؟

یٰۤاَیُّهَا الَّذِیْنَ اٰمَنُوا اسْتَجِیْبُوْا لِلّٰهِ وَ لِلرَّسُوْلِ اِذَا دَعَاكُمْ لِمَا یُحْیِیْكُمْۚ-    (پارہ : 9 ، سورۂ انفال : 24)

ترجمہ کنزُ الایمان : اے ایمان والو اللہ ورسول کے بلانے پر حاضر ہو جب رسول تمہیں اس چیز کے لیے بلائیں جو تمہیں زندگی بخشے گی۔

یہ آیت تلاوت کرنے کے بعد اللہ پاک کے آخری نبی ، رسولِ ہاشمی  صلی اللہُ عَلَیْہِ وَ آلِہٖ وَسَلَّم   نے فرمایا : کیا میں مسجد سے باہَر جانے سے پہلے پہلے تمہیں قرآنِ کریم کی سب سے عظمت والی سُورت نہ سکھاؤں؟ پھر آپ  صلی اللہُ عَلَیْہِ وَ آلِہٖ وَسَلَّم   نے میرا ہاتھ پکڑ لیا ، جب مسجد سے باہَر تشریف