فيض حاصلولو، په زړه كښې عشقِ رسول زياتولو، د علمِ دِين د رنړا نه خپل ځان ښائسته كولو او نيك لمُونځ ګزاره جوړيدلو د پاره په مدَني مُذاكَره كښې شريك شئ، او ډيرې نيكئ اوګټئ! ستاسو د ترغيب د پاره يو مدني سپرلے اورووم:

ماشومان هم لمُونځ ګزاره جوړ شو

      تحصيل تَله ګنګ (ضلع چكوال، صوبه پنجاب) د يو اسلامي ورور وينا ده: مخكښې زه د معاشرے وران كارے انسان ووم، سګريټ، چرس، شراب څه به چې مخې ته راتلل څښل به مې، يو ځل په ما باندې كرم اوشو او ما د رَمَضَانُ المُبارَك روژې نيول شروع كړه، هره ورځ د شپې په مدني چينل باندې مدني مُذاكره كتل را ته نصيب شو، د اَمِیرِ اهلسنّت دَامَـتْ بَـرَكَـاتُـهُـمُ الْـعَـالِـيَـهْ د حكمت نه ډكو خبرو زما په زړه داسې اثر اوكړو چې زما په ژوند كښې بدلون راغے، اَلْـحَـمْـدُ لِلّٰـہ! ما د ګناهونو نه رښتينې توبه اوكړه او مخ مې د خوږ آقا صَلَّى اللهُ عَلَيْهِ وَاٰلِهٖ وَسَلَّم د سُنَّت يعنې ګيرې نه ښائسته كړو، پينځه واړه لمُونځونه مې په جمات كښې د جَمعې سره ادا كول شروع كړه، زما په لمَانځه ليدلو زما 12 كاله ځوئ او 10 كاله لُور هم لمُونځونه ادا كول شروع كړه. بچے خو د جمعې لمَانځه ادا كولو د پاره راسره جمات ته ځي.^[1]