Book Name:Talib e Ilm e Deen Par Karam Ho Gaya
(10) د علمِ دين په بركت قبر روښانه كيږي
حضرت كَعْبُ الْاَحْبَار رَضِیَ اللهُ عَنْهُ فرمائي: الله پاك خپل نبـي حضرت موسٰى عَلَيْهِ السَّلام طرف ته وحي را اوليږله: (اے موسٰى!) د خير خبرې زده كړه او خلقو ته ئې اوښايه! بيشكه زه به د علمِ (دين) ښودونكو او زده كوونكو قبرونه روښانه كړم، هغوئي ته به په قبر كښې بالكل ويره نه وي.[1]
د علمِ دِين په لاره كښې رُكاوټونه
اے عاشِقانِ رسول! غور اوكړئ! د عِلمِ دين څنګه څنګه فضائل دي خو افسوس! زمونږه غفلت...! نفس سُستي راولي، د محنت او مشقت نه لرې تښتي، شيطان وسوسه ور اچوي، كله ئې د عِزَّت او شُهرت په طلب كښې مشغوله كوي، كله ئې د مال و دولت په حرص كښې اخته كوي، په زړه كښې وسوسے راځي كه په علمِ دِين زده كولو كښې مشغول شم نو مال به څنګه ګټم، د كوم ځائ نه به خورم؟ دومره غټ كاروبار دے، وخت څنګه اوباسم؟ دُكان پريښودے نه شم، د نوكرئ نه وخت نه ميلاويږي، د دې نه علاوه قِسماقِسم وسوسے اچولو په وجه خبيث شيطان مونږه د علمِ دين د دولت نه محرومه كوي.