دولت د كمئ نه مه ويريږئ! هِمَّت پيدا كړئ او په علمِ دين زده كولو كښې مصروفه شئ. اِنْ شَآءَ اللّٰہُ الْکَرِیْم! الله پاك به مو مددګار جوړ شي.

(8) پينځم مه جوړيږه

      حضرت عبدُ الرحمٰن بن ابـي بَكرَه رَضِیَ اللهُ عَنْهُ نه روايت دے، د الله پاك آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائي: عالِم جوړ شه يا طالِبِ علم، علمِ دين اوريدونكے جوړ شه يا د علمِ دين سره محبت كوونكے جوړ شه، پينځم مه جوړيږه، ګنې هلاك به شې.^[1]

(9) په موزو باندې د مسح كولو مسئله پوښتنې د پاره سفر

      حضرت اِبنِ حُبَيْش رَضِیَ اللهُ عَنْهُ فرمائي: د قبيلۀ مراد يو صحابـي حضرت صفوان بِن عَسَّال رَضِیَ اللهُ عَنْهُ د خوږ آقا صَلَّى اللهُ عَلَيْهِ وَاٰلِهٖ وَسَلَّم په خدمت كښې حاضر شو او عرض ئې اوكړو: يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! زه ستاسو په خدمت كښې د علمِ دين زده كولو د پاره حاضر شوے يم. خوږ نبـي صَلَّى اللهُ عَلَيْهِ وَاٰلِهٖ وَسَلَّم اوفرمائيل: مرحبا! طالِبِ علمِ دِين ته دې هركلے وي...! فرښتې د طالِبِ علمِ دِين نه خوشحاليږي او په خپلو وزرو كښې ئې پټوي، يوه فرښته په خپلو وزرو سره په هغه سورے كوي، دويمه