Book Name:Talib e Ilm e Deen Par Karam Ho Gaya
سره دُنياوي علوم حاصلولو كښې هم اسلامي اخلاق او اسلامي حُليه (مثلاً ګيره وغيره) برقرار اوساتئ. د دې شرائطو سره جائز دُنياوي علم زده كول جائز دي.
(3) الله پاك چې چا لره د نيكئ اراده اوكړي.....
د الله پاك آخري نبـي صَلَّى اللهُ عَلَيْهِ وَاٰلِهٖ وَسَلَّم ارشاد فرمائي: مَنْ یُرِدِ اللّٰہُ بِہٖ خَیْراً یُّفَقِّہْہُ فِی الدِّیْن الله پاك چې چا لره د نيكئ اراده اوكړي نو هغه ته د دين پوهه عطا كوي.[1]
حضرت كثِير بِن قَيس رَحْمَةُ اللهِ عَلَيْه فرمائي: زه د دِمشق په جامع مسجد كښې د صحابـئ رسول حضرت ابودرداء رَضِیَ اللهُ عَنْهُ په خدمت كښې حاضر ووم، دغه وخت د هغوئي په خدمت كښې يو كس حاضر شو، عرض ئې اوكړو: اے ابو درداء رَضِیَ اللهُ عَنْهُ! ما ته معلوم شوي دي چې تاسو د رَسُولُ الله صَلَّى اللهُ عَلَيْهِ وَاٰلِهٖ وَسَلَّم يو حديث بيانوئ، زه د هغه حديثِ پاك زده كولو د پاره د مدينے مُنَوَّرې نه راغلے يم. حضرت ابو درداء رَضِیَ اللهُ عَنْهُ اوفرمائيل: آيا ته د تجارت د پاره خو نه ئې راغلے؟ عرض ئې اوكړو: نه!