صَلَّى اللهُ عَلَيْهِ وَاٰلِهٖ وَسَلَّم د ولادت مبارك نه دوه كاله مخكښې پيدا شوے وو، د حضرت اَميرِ حمزه رَضِیَ اللهُ عَنْهُ څلور مشهور القاب دي: (1): اَسَدُ اللّٰہ (د اللہ شیر) (2):اَسَدُ الرَّسُول (د رسولِ پاک صَلَّى اللهُ عَلَيْهِ وَاٰلِهٖ وَسَلَّم شیر) (3)::فاعِلُ الْخَیْرات (ډير د خىر كارونه كوونكے) او (4):سَیّدُ الشُّہَدَاءدے.^[1]

د حضرت اميرِ حمزه رَضِیَ اللهُ عَنْهُ سره د محبت حكم

     الله پاك په قرآنِ كريم كښې ارشاد فرمائي:

قُلْ لَّاۤ اَسْــٴَـلُكُمْ عَلَیْهِ اَجْرًا اِلَّا الْمَوَدَّةَ فِی الْقُرْبٰىؕ-    (پارہ:25،سورۂ شورٰی:23)     

[مفهوم] ترجمۂ کَنْز الايمان: تاسو اوفرمائې! زه په دې باندې ستاسو نه څه اُجرت نه طلب كووم خو د خپلوانو محبت.

       په دې آىتِ كريمه كښې د رَسُولِ كريم صَلَّى اللهُ عَلَيْهِ وَاٰلِهٖ وَسَلَّم د خپلوانو سره د محبت كولو حكم شوے دے، حضرت اَميرِ حمزه رَضِیَ اللهُ عَنْهُ هم د خوږ نبـي صَلَّى اللهُ عَلَيْهِ وَاٰلِهٖ وَسَلَّم په خپلوانو كښې دے بلكه په ډيرو حالتو كښې حضرت اَميرِ حمزه رَضِیَ اللهُ عَنْهُ د رسولِ كريم صَلَّى اللهُ عَلَيْهِ وَاٰلِهٖ وَسَلَّم خپل دے: (1) هغوئي رَضِیَ اللهُ عَنْهُ د حُضُورِ اكرَم صَلَّى اللهُ عَلَيْهِ وَاٰلِهٖ وَسَلَّم تره دے (2) د حضرت اَميرِ حمزه رَضِیَ اللهُ عَنْهُ والده د حضرت آمِنه رَضِیَ اللهُ عَنْهُ د تره لور ده،