Book Name:Shan e Ameer Hamza
د سجدے په حالت كښې الله پاك روح مبارك قبضه كړے وي، د دې خيال په راتلو زه ور مخكښې شوم، زما د قدمونو كشار ئې چې واوريدلو نو خوږ آقا صَلَّى اللهُ عَلَيْهِ وَاٰلِهٖ وَسَلَّم سر مبارك را اوچت كړو: تپوس ئې اوكړو: څوك؟ ما عرض اوكړو: حُضُور! عَبْدُالرَّحْمٰن. اوئې فرمائيل: څه كار دے؟ ما عرض اوكړو: يَـا رسُولَ الله صَلَّى اللهُ عَلَيْهِ وَاٰلِهٖ وَسَلَّم! تاسو دومره اوګږده سجده اوكړه، زه اُويريدم، هسې نه چرته الله پاك د سجدے په حالت كښې ستاسو روح مبارك قبض كړے نه وي.
د خپل خوږ صحابى د محبت نه ډكه خبره ئې چې واوريدله نو آخري نبـي مُحَمَّدِ عربـي صَلَّى اللهُ عَلَيْهِ وَاٰلِهٖ وَسَلَّم د اوګږدے سجدے حكمت بيان كړو، اوئې فرمائيل: زما خوا ته جبريل عَلَيْهِ السَّلام حاضر شو او عرض ئې اوكړو: يَـا رَسُولَ الله صَلَّى اللهُ عَلَيْهِ وَاٰلِهٖ وَسَلَّم! الله پاك فرمائي: څوك چې په تاسو دُرُودِ پاك اولولي، زه به په هغه رحمتونه نازل كړم، څوك په چې تاسو سلام اوليږي، زه به په هغه باندې سلامتيا نازل كړم. د دې نِعمَت شُكر ادا كولو د پاره ما دومره اوګږده سجده اوكړه.[1]
اَلـلّٰـهُ اَكْـبَـرْ! اے عاشِقانِ رسول! غور اوكړئ! * دُرُودِ پاك څوك وائي؟ اُمَّتـي * رحمت په چا نازليږي؟ په اُمَّتـي باندې * سلام څوك ليږي؟