Shan e Ameer Hamza

مانگو۔ ^{(^[1])} جبکہ حکیمُ الْاُمَّت مفتی احمد یار خان رَحمۃُ اللہِ عَلَیْہ اِس حدیثِ پاک کے تحت فرماتے ہیں : خیال رہے کہ دُنیاوی چیزوں میں قَناعت اور صبر اچھا ہے مگر آخرت کی چیزوں میں حِرْص اور بے صبری اعلیٰ ہے ، دین کے کسی درجہ پر پہنچ کر قناعت نہ کرلوبلکہ آگے بڑھنے کی کوشش کرو۔ ^{(^[2])} اللہ پاک ہمیں نیکیاں کرنے کا حریص بنائے۔ اٰمِیْن بِجَاہِ خَاتَمِ النَّبِیّٖنَ صلی اللہُ عَلَیْہِ وَ آلِہٖ وَسَلَّم ۔

نمازِ جنازہ و مدفن

غزوۂ اُحد میں شہید ہونے والے صحابۂ کرام عَلَیْہِمُ الرِّضْوَان میں سب سے پہلے حضرت امیر حمزہ رَضِیَ اللہُ عنہ کی نمازِ جنازہ ادا کی گئی ، پھر ایک ایک شہید کو لایا جاتا ، حضرت امیر حمزہ رَضِیَ اللہُ عنہ کے قریب رکھ کر اُس کی نمازِ جنازہ ادا کی جاتی ، ^{(^[3])} بعض روایات میں ہے کہ 10 ، 10 شہیدوں کی نماز جنازہ ادا کی گئی اور ان 10 میں ہر بار حضرت امیر حمزہ رَضِیَ اللہُ عنہ بھی شریک رہے۔ ^{(^[4])}

فرشتوں نے غسل دیا

حضرت امیر حمزہ رَضِیَ اللہُ عنہ کو حضرت ابو بکر ، حضرت عمر فاروق اور حضرت علی المرتضی رَضِیَ اللہُ عنہ م نے قبر شریف میں اُتارا ، اللہ پاک کے آخری نبی ، رسولِ ہاشمی صلی اللہُ عَلَیْہِ وَ آلِہٖ وَسَلَّم قبر کے کنارے پر تشریف فرما تھے ، آپ صلی اللہُ عَلَیْہِ وَ آلِہٖ وَسَلَّم نے فرمایا : میں نے دیکھا؛ فرشتے حضرت حمزہ رَضِیَ اللہُ عنہ کو غسل دے رہے ہیں۔ ^{(^[5])}

[1]... شرح صحیح مسلم للنووی ، جلد : 8 ، صفحہ : 512 ، ملخصًا ۔

[2]... مرآۃ المناجیح ، جلد : 7 ، صفحہ : 211۔

[3]...طبقات الکبری ، جلد : 3 ، صفحہ : 7۔

[4]...سنن کبری للبیہقی ، ابواب الشہید ، جلد : 4 ، صفحہ : 157 ، حدیث : 6804۔

[5]...طبقات الکبری ، جلد : 3 ، صفحہ : 7۔

Important

Mobile Apps

Contact Us